Search

You may also like

Ass däi Lëtzebuergesch fit genuch fir dësen Test?
Kultur Neiegkeeten

Ass däi Lëtzebuergesch fit genuch fir dësen Test?

[onionbuzz quiz-id=162][/onionbuzz] Wéi all Woch presentéiere mer iech och dës

dislikemoney
Amerika mécht de Gas bëlleg
Kultur Neiegkeeten

Amerika mécht de Gas bëlleg

De kontinuéierlechen Opschwong vum amerikanesche Schifergas mécht aus den USA

Liewenslänglech fir den Donald Trump
Kultur Neiegkeeten

Liewenslänglech fir den Donald Trump

Et war dem charismateschsten US-President aller Zäiten seng léifste Spillsaach,

De Ris geet op d’Rees – an Äert Wierk soll e begleeden!

De Ris geet op d’Rees – an Äert Wierk soll e begleeden!

Erënnert Dir Iech nach un den Opruff am Mee 2020, bei deem Dir d’Geschicht ëm d’Erliefnisser vum Ris aus dem Beetebuerger Park matgestalte konnt? Nodeems d’Kreatioun vum Comic vun der berühmtster Figur aus dem Mäerchepark ofgeschloss ass, geet elo en Appell un d’Artisten eraus. Är Installatioun kéint scho geschwënn de kreativen Themen-Pad completéieren.

Am Kader vun den Evenementer ëm Esch2022 ass de Projet vum intergenerationelle Geschichten-erzielen entstanen. Är Iddien hunn den Texter Lucien Czuga an den Illustrateur Andy Genen ugereegt, fir eng spannend Geschicht ze entwéckelen, wat de Ris, nodeems en dann endlech aus sengem joerzéngtelaange Schéinheetsschlof erwächt ass, op senger Aventure duerch d’Gemeng Beetebuerg erlieft.

Passend dozou ass elo en Themen-Pad ugeluecht ginn, op deem d’Geschicht gräifbar gemaach gëtt. Dëse Wee soll vun Installatioune begleet ginn, déi original Elementer an de Charakter vum Ris mat enger perséinlecher Nott vum Artist kombinéieren. Esou begleede Figuren an Zeenarien de Pad an enger spannender a kreativer Aart a Weis. Wichteg ass, datt all Wierk ëmweltfrëndlech kreéiert muss sinn.

Artisten déi sech ugesprach fillen, sollen hiren Dossier mat Liewenslaf, enger Selektioun u Wierker déi am Bausseraum ausgestallt goufen, so wéi engem erklärenden Text bis spéitstens den 31. Januar 2021 un rp@bettembourg.lu schécken.

Related topics Appell zur, Artist, Beetebuerger Park, De Ris geet op d'Rees, Geschicht, Installatioun, Mäerchepark, Themen-Pad
Next post Previous post