Search

You may also like

Erfollegräich am Kampf géint d‘Drogekriminalitéit
International Kultur Neiegkeeten

Erfollegräich am Kampf géint d‘Drogekriminalitéit

Tëscht dem 13. an dem 15. Januar, huet et säitens

De Magazin „ons stad“ gënnt sech eng Frëschzellekur
International Kultur Neiegkeeten

De Magazin „ons stad“ gënnt sech eng Frëschzellekur

Virun enger gudder Woch huet déi Stater Buergermeeschtesch de neie

12 Méint an 12 Geschichten: Ënnerstëtzung fir Persoune mat Autismus an hir Familljen (Deel 4)
International Kultur Neiegkeeten

12 Méint an 12 Geschichten: Ënnerstëtzung fir Persoune mat Autismus an hir Familljen (Deel 4)

Am Kader vun eise 25 Joer, déi eis Fondation Autisme Luxembourg

Salon Révélations zu Paräis – Ee Vernissage mat héijem Besuch!

No enger éischter erfollegräicher Participatioun am Joer 2017 ass Lëtzebuerg och dëst Joer nees beim Salon Révélations zu Paräis dobäi. De Grand-Duché dierf als Éieregaascht 23 Kënschtler a Konschthandwierker op sengem Stand begréissen. Am Ganze kann ee vum 23. bis de 26. Mee ronn 450 Artisten aus 33 verschiddene Länner untreffen. Méi wéi 40.000 Visiteure ginn erwaard.

Um Vernissage vum 4. Salon Révélations am Grand Palais an der franséischer Haaptstad ware mat dobäi: déi groussherzoglecher Koppel, dem Ierfgroussherzog, déi stellvertriedend Direktesch vun de Kënscht am franséische Kulturministère Béatrice Salmon, eis Kulturministesch Sam Tanson an de Minister fir Mëttelstand Lex Delles.

An dësem Kader huet d’Kulturministesch Sam Tanson hiren Engagement fir d’Ënnerstëtzung vu lëtzebuerger Kreatiounen nach emol bestätegt, sou wéi och d’Fërderung vun de Kënschtler am Ausland. „Initiative, wéi déi lëtzebuergesch Participatioun u Révélations wierken als qualitative Katalysator fir d’Integralitéit vun der artistescher a kultureller Zeen vu Lëtzebuerg“, sou d’Ministesch.

A senger Missioun als Minister vum Mëttelstand huet de Lex Delles op dat ekonomescht Potential vum Konschthandwierk opmierksam gemaach. „Den Artisanat ass d’Haaptachs vun der ekonomescher Struktur am Grand-Duché. Initiative, wéi de Salon Révélations, droen zur Modernitéit, der Innovatioun an der Kreativitéit vum Konschthandwierk bäi a loossen Beruffunge fir ee Secteur mat Besoin u motivéierten an engagéierten Aarbechtskräft entstoen.“

Déi lëtzebuergesch Presenz am Salon gëtt koordinéiert vun der Asbl De Mains De Maîtres Luxembourg, deen hiert Zil et ass, déi eponym Expo ze vereiwegen, déi am Joer 2016 vu S.A.R. Der Ierfgroussherzogin initiéiert ginn ass. Donieft geet et och dorëm, d’Konschtberuffer zu Lëtzebuerg an am Ausland ze entwéckelen. D’Associatioun profitéiert vun der Ënnerstëtzung duerch de Kulturministère an de Wirtschaftsministère.

Related topics Groussherzog Henri, Groussherzogin Maria Teresa, Konscht, Lex Delles, Paräis, Prënz Louis, Salon Révélations, Sam Tanson
Next post Previous post