Search

You may also like

MC Solaar op Streamingplattformen disponibel
International Neiegkeeten

MC Solaar op Streamingplattformen disponibel

Endlech, wéilt een do scho bal soen. Déi éischt Albe

Europäesch Investitiounsbank liquidéiert seng Crèche
International Neiegkeeten

Europäesch Investitiounsbank liquidéiert seng Crèche

D‘Gewerkschafte LCGB an OGBL hunn en Donneschdeg ee gemeinsame Protestpiquet

Eng nei Sensibiliséierungs-Campagne vum Verkéiersbond
International Neiegkeeten

Eng nei Sensibiliséierungs-Campagne vum Verkéiersbond

Zesumme mat de Lëtzebuerger Museker vun De Läb well de

EU-Ausseminister setze Sanktioune géint Russland duerch

EU-Ausseminister setze Sanktioune géint Russland duerch

Den Nawalny am Stroflager, d‘Krim nach ëmmer besat… Russland ass kee Rechtsstaat, an dat hunn d‘EU-Ausseminister gëschter nach emol zimmlech däitlech duergestallt. Dobäi sollt sech Russland, wann et sollt Perspektive fir d‘Bevëlkerung ginn, un den europäesche Wäerter orientéieren. Et gëtt getuschelt, datt besonnesch Polen an Ungarn op d‘anhale vu Rechtsstaatlechkeet bestinn.

Et soll also zu Sanktioune kommen, zumindest hunn sech d‘EU-Ausseminister gëschter zu Bréissel drop verstännegt, datt mat de Virbereedungen zu de Strofmoossname muss ugefaange ginn. Zu de Mesure gehéiere Verméigensspären an EU-Areesverbueter, fir russesch Amtsträger, déi eppes mat der Inhaftéierung vum Dissident ze dinn hunn. D‘Sanktioune solle schonn déi aner Woch gräifen.

RusslandDe Gordan Grlic-Radman, Ausseminister vu Kroatien (l), hei emol zesummen am Bild mam ungareschen Aktivist fir Rechtsstaatlechkeet, den Ausseminister Peter Szijjarto. © European Union

Zu Moskau huet ee vill Erfarung am Ëmgang mat Sanktiounen, a wuel och mat kritesche Stëmmen am Land. Datt sech Bréissel elo véier – éischter onbekannt – politesch Acteuren ausgewielt huet fir en Exempel ze statuéieren, net awer een eenzegen Oligarch, esou wéi dat jo vum Alexej Nawalny gefuerdert war, ass opschlossräich. Wierklech eng ënnerhuele geet schlussendlech dann awer net.

Entspaant Gesiichter zu Moskau

Am Fall „Nawalny“ sinn et zudeem net déi éischt Sanktiounen, déi d‘Unioun géint Russland getraff huet. Scho wéinst dem „Attentat mat militäreschem Nervegëft“ (Nowitschok), dee jee no Quell, am Téi, op senge Kleeder, eventuell der Ënnerwäsch, agefloss/opgedroe gouf, war géint Persounen aus dem putinschem Ëmfeld Areesverbueter a Verméigensspäre verhaange ginn. Mee hat et Beweiser?

RusslandEisen Ausseminister, Jean Asselborn (LSAP), hat am Virfeld zur EU-Ausseministerkonferenz nach emol versicht däitlech ze maachen, datt Sanktioune keng „Politik“ sinn, an d‘Konferenz vun den europäeschen Ausseminister, kee „Sanktiounscomité“ ass. © European Union

Wann et se soll ginn, wier et gutt déi oppen duerzeleeën. Dorunner dierf ee berechtegt Zweiwel hu well, zu Bréissel goufen d‘Strofmoossname beschloss well: „dovunner auszegoen ass, datt hannert dësem Virfall staatlech Servicer (gemengt ass de Geheimdéngscht) stiechen“. Zu Bréissel geet een iwwregens och dovunner aus, datt Polen an Ungarn Helde vun der Rechtsstaatlechkeet sinn…

A Russland ass ee wuel net begeeschtert, woubäi jo zanter mindestens engem Mount op béide Säite gewosst wéi d‘Geschicht géif evoluéieren. De lamentabelen Optrëtt vum Josep Borrell huet zudeem net emol am Usaz „Stäerkt“ representéiert, an de Sergej Lavrov dierft vill Spaass dobäi empfonnt hunn, den Spuenier blousszestellen. Moskau hat wärend dem „Besuch“ 3 Diplomaten ausgewisen.

Et geet ëmmer a béid Richtungen

Fir de President vun der auswäerteger Kommissioun an der Duma (Parlament), Leonid Sluzki, ass dat ganzt eng bosseg. Déi ugekënnegt „Strofmoossnamen“ musse jo elo och emol kloer definéiert an dann nach vun de Staats- a Regierungscheffe bestätegt ginn. Et géif also keng Nout bestoen elo alles ze iwwerstierzen, a Géigemesuren unzekënnegen. Fir unzefänke muss et emol Mesure ginn.

RusslandDen EU-Kommissär fir baussenzeg Ugeleeënheeten, Josep Borrell. Sech am héijen Alter nach esou bloussstellen ze loossen, fir d‘Éischt zu Moskau, an uschléissend am EU-Parlament zu Stroossbuerg, wann dat de „Generalissimo“ nach erlieft hätt. © European Union

Allerdéngs huet de russesche Parlamentarier keng Zweiwel opkomme gelooss, dat et eng Äntwert op déi versprache Sanktioune wäert ginn. Hien huet net déi geréngsten Undeitung gemaach, datt et am russesche Parlament Vertrieder hätt, déi d‘Fuerderung zur Fräiloossung vum Kremlkritiker géife stëtzen. Et wäert sech also esou ausgoen, datt d‘EU sanktionéiert an den Dissident am Lager bleift.

mat indymedia/bru/mow

Foto: De Lëtzebuerger Ausseminister Jean Asselborn huet sech gëschter zu Bréissel am Kontext vun der EU-Ausseministerkonferenz och fir Sanktioune géint véier russesch Amtsträger agesat. © European Union

Related topics Alexej Nawalny, EU-Ausseminister, EU-Ausseministerkonferenz, Russland, Sanktiounen
Next post Previous post