Search

You may also like

Oxfam: „Am Jemen stierft all dräi Stonnen en Zivilist“
International Neiegkeeten

Oxfam: „Am Jemen stierft all dräi Stonnen en Zivilist“

Am Yemen géif all dräi Stonne e Mënsch stierwen, esou

Europäesch Mobilitéitswoch: Gratis ëffentlechen Transport
International Neiegkeeten

Europäesch Mobilitéitswoch: Gratis ëffentlechen Transport

Am Kader vun der Europäescher Mobilitéitswoch 2019 kënnen d’Notzer vum

Kanada verschäerft säi Waffegesetz
International Neiegkeeten

Kanada verschäerft säi Waffegesetz

De Premierminister Justin Trudeau hat et am Wahlkampf ugekënnegt a

Schaffen a Groussbritannien nom Brexit

Am House of Commons gouf e Geetz ugeholl, datt der Fräizügegkeet fir Europäer déi op der Insel schaffe wëllen en Enn bereet – Zouwanderung soll nach just iwwert e Punktesystem méiglech sinn

Schaffen a Groussbritannien nom Brexit

Obwuel et sécherlech méi Wichteges gëtt, wéi sech den Ament mam Brexit ze beschäftegen, esou dierf net vergiess ginn, datt d‘Iwwergangsphas den 31. Dezember eriwwer ass. An esou wéi et elo den Ament ausgesäit, wäert et net méiglech sinn, bis dohinner esou eppes wéi en Ofkommes fir d‘Zäit duerno op d‘Rei ze kréien. De Boris Johnson stéiert et net a stellt schonn emol d‘Weichen.

Am britesche Parlament hunn d‘Deputéiert gëschter ee Gesetzprojet ugeholl (jo 351 / nee 252) mat deem Aarbechter/Employéeën aus der EU, Island, Liechtenstein, Norwegen an der Schwäiz, ab dem 1. Januar 2021 kee fräien Zougang zum briteschen Aarbechtsmaart méi hunn. Wéi eng Reegelen da sollen ugewannt ginn? Dat geet aus dem Gesetzesentworf leider net ervir, mee d‘Usätz si bekannt.

Schonn am Februar hat de britesche Premierminister Boris Johnson e Punktesystem virgestallt, an deem Aarbechtskräfte mat „besonnesche Fäegkeeten“ privilegiéiert solle ginn. Och deemools huet et net wierklech eng Erklärung zu dëse besonnesche Fäegkeete ginn. D‘Inneministesch Priti Patel, betount awer, datt dëse System „Fair an Einfach“ opgestallt ass. Méi Präzisioune gouf et leider net.

mat indymedia/lon

Illustratioun: © Vicky Yu / unsplash

Related topics Aarbechtsmaart, Boris Johnson, Groussbritannien, House of Commons, Priti Patel
Next post Previous post