Search

You may also like

Wéi gutt kenns du d’90er Joren?
Kultur Neiegkeeten

Wéi gutt kenns du d’90er Joren?

[onionbuzz quiz-id=22][/onionbuzz] 90er waren eng rau Zäit. An all Sënn

Fräizügegkeet ass och an Zäite vum Coronavirus onentbierlech
Kultur Neiegkeeten

Fräizügegkeet ass och an Zäite vum Coronavirus onentbierlech

Fräizügegkeet ass eng vun de gréissten Errongenschafte vun der europäescher

Be active: Deng Zukunft – Däi Wee! Infofoire fir Jonker an Elteren
Kultur Neiegkeeten

Be active: Deng Zukunft – Däi Wee! Infofoire fir Jonker an Elteren

En Donneschden, de 25. Abrëll luet d’Nordstadjugend a.s.b.l. zesumme mat der

Schëfflenger Konschthaus: E kulturellen Start mat Loft a Waasser

„Konscht ass dofir do, de Stëbs vum Alldag ofzeleeën“, sou de Schëfflenger Buergermeeschter Paul Weimerskirch bei der Presentatioun vun der Konschtgalerie. Et wollt een e kulturelle Lieu de Rencontre schafen, bei deem den Austausch tëscht Kënschtler a Visiteur erméiglecht gëtt. Dobäi wëll een op kee Fall als elitär Galerie optrieden, mee seng Dieren all interesséierter Persoun opmaachen.

Schliisslech erweist sech e Konschthaus als bescht Méiglechkeet, d’Sprooch vun der Konscht ze vermëttelen, ze léieren an se ze notzen. Ma, aus dësem Grond wäerten an der Galerie zu Schëffleng net nëmmen Ausstellungen, mee och pedagogesch Aktivitéiten an eco-responsabel Atelieren organiséiert ginn.

A wat versteet een dorënner? Ma, all Expo gëtt vun engem pedagogeschen Dossier begleet, dee sech un de jonke Publikum riicht. Nieft einfache guidéierte Visitte kënnen och Schoulklassen der Konscht méi no kommen. A well Schëffleng eng Klimabündnisgemeng ass, huet ee geplangt d’Konscht mam Ëmweltbewosstsinn ze verbannen. An Zukunft fanne beispillsweis Atelieren zum Thema Upcycling statt.

Mat Loft a Waasser

De Start Mëtt Mäerz huet aus eis all bekannte Grënn misse verréckelt ginn. Um 11. August huet een an der Galerie awer schonn ee klenge Virgeschmaach gebueden, ob dat, wat eis an Zukunft erwaart. D’Expo „Am Laf vun der Zäit“ weist Wierker vu Schëfflenger Kënschtler, respektiv vu Schëffleng selwer, an dat an alle méigleche Stiler. Et gesäit een déi Biller, déi soss verstoppt a Gemengen, an Entreprisen oder bei Privatpersounen hänken an net fir jiddwereen zougänglech sinn.

Den offiziellen Ufank – et sollt ee sech en schonn an den Agenda androen – ass fir de 17. September geplangt. D’Stéphanie Uhres, eng Lëtzebuerger Kënschtlerin, déi zu Köln lieft a schafft, bitt den néidegen Elan an déi symbolesch Elementer, déi dëse besonneschen Start benéidegt: De Mënsch steet am Fokus, oft och Kanner. Duerch douce Verleef, am Kontrast zu de realitéitsgetreie Figuren gëtt d’Thema „Luft & Wasser“ representéiert.

Nom Vernissage um 17. September kann een dës Expo nach bis de 17. Oktober 2020 kucke goen. Uschléissend dierf ee sech schonn op Ausstellunge vum Peggy Dihé, Samuel Levy, Anne Lindner, Florence Hoffmann, Patricia Lippert, Christian Neuman, Kevin B., Gérard Claude an Karolina Pernar freeën.

Am Hibléck op Esch2022 erhoffe sech d’Gemeng an déi jonk sympathesch Galeristin Claudia d’Inca, datt d’Konschthaus sech am viraus schonn een Numm mécht. Déi 200 m² Fläch sollen dann, zesumme mat aneren Highlights, d’Duerf am Minett besonnesch an Zeen setzen.

Uewen fannt Dir eng kleng Billergalerie zum Schëfflenger Konschthaus © Shari Pleimelding/moien.lu

Related topics Am Laf vun der Zäit, Ausstellung, Claudia D'Incà, eco-responsabel Atelieren, Esch2022, Expo, Luft & Wasser, Minett, Paul Weimerskirch, pedagogesch Aktivitéiten, Schëfflenger Konschthaus, Stéphanie Uhres, Süden
Next post Previous post