Search

You may also like

Venedeg gesinn a stierwen?
Neiegkeeten

Venedeg gesinn a stierwen?

Risegt Croisièresschëff knuppt a Touristeboot a géint de Quai. Eng

Giel Gileten Akt XXV: Zréck an de Kreesverkéier a Lëschte fir d‘EU-Wahlen
Neiegkeeten

Giel Gileten Akt XXV: Zréck an de Kreesverkéier a Lëschte fir d‘EU-Wahlen

Um 25. Samschdeg vum Mouvement vun de giele Gileten, notéiert

Keng ëffentlech Griewerseenungen op Allerhellegen an Allerséilen
Neiegkeeten

Keng ëffentlech Griewerseenungen op Allerhellegen an Allerséilen

Déi sanitär Situatioun erfuerdert ëmmer erëm eng nei Evaluatioun a

D‘Schoulen am Covid19-Testmodus

D‘Schoulen am Covid19-Testmodus

Zanter haut de Moie sinn déi „mobil Ekippe“ vun der Gesondheetsdirektioun ënnerwee, fir direkt an de Schoulen de Covid19-Test un de Schüler duerchzeféieren. Hir Missioun: direkt op der Plaz (also an der Schoul) déi Schüler ze testen, déi „Kontaktpersoun“ sinn, a sech engem Test net wierklech verwiere kënnen. Allgemeng schéngt d‘Prozedur gutt ugeholl ze ginn, well esou ass et gemaach…

D‘Kandidate (dozou gehéieren och d‘Enseignanten) wieren awer am Virfeld vun hiren Direktiounen iwwert d‘Moossnam informéiert ginn. D‘Aktioun ëmfaasst eng Dosen Etablissementer, an esou sinn och zwielef Binomen „on the road“ fir dës Missioun zügeg an méiglechst reiwungslos iwwert d‘Bühn ze bréngen. Sech dësem Covid19-Test entzéien ass allerdéngs just theoretesch méiglech.

Laut enger fir dës Tester zoustänneg Persoun, hunn d‘Schüler eenzeg d‘Optioun tëscht „sech eppes an d‘Nues stieche loossen“ oder en „Ofstréch am Halsberäich“. Et wier een allerdéngs staark beméit déi ganz Prozedur méiglechst labber unzegoen an op d‘Ängschte vun de Schüler – besonnesch bei deene ganz jonken – anzegoen. Bis zur Mëttegstonn, huet dann och nach keng Reklamatioune ginn.

Déi ganz Tester ginn, wann dann d‘Missioun an de Schoulen ofgeschloss, um direkte Ween an den nationale Laboratoire (LNS) gefouert, wou se direkt sollten analyséiert ginn. Dat erkläerten Zil ass et bannent 24 Stonnen d‘Resultater virleien ze hunn. Et kann een dovunner ausgoen, datt haut zu Diddeleng eppes méi laang wäert musse geschafft ginn. Mee et ass jo fir de gudden Zweck….

Illustratioun: © Phil Hearing / unsplash

Related topics Covid19, Covid19-Tester, LNS, Lycée, Mobil Ekippen, Schoul
Next post Previous post