Search

You may also like

Grouss Maniff an Israel géint e Gesetz dat „Leihmutterschaft“ fir homosexuell Koppele verbitt
International Neiegkeeten

Grouss Maniff an Israel géint e Gesetz dat „Leihmutterschaft“ fir homosexuell Koppele verbitt

Dausenden Israelien hunn e Sonndeg, notamment zu Tel Aviv, géint

dislike
Sträit an der Gemeng Schëtter: Gräift den Innenminister elo an?
International Neiegkeeten

Sträit an der Gemeng Schëtter: Gräift den Innenminister elo an?

***UPDATE*** Mëttlerweil huet sech d’CSV vun der Koalitioun distanzéiert!*** D’Demokratesch

dislikegeek
Identifizéierungsflicht fir den Accès zu „soziale Medien“?
International Neiegkeeten

Identifizéierungsflicht fir den Accès zu „soziale Medien“?

Géif et dem Inneminister vun Niedersachsen, Boris Pistorius, nogoen, dat

Wéi kënne Mënsche geschützt ginn, déi op Plattforme schaffen?

Wéi kënne Mënsche geschützt ginn, déi op Plattforme schaffen?

D’Europäesch Kommissioun huet eng éischt Phas ageleet: An enger Consultatioun mat den europäesche Sozialpartner hunn si no Iddie gesicht, wéi d’Aarbechtsbedéngunge vun de Mënschen, déi op digitale Plattforme schaffen, verbessert ka ginn.

Tatsächlech ass et esou, datt d’Plattformaarbecht an der EU eng rasant Entwécklung ze mellen huet. Doduerch gëtt méi Flexibilitéit souwéi Beschäftegungs- an Akommesméiglechkeete garantéiert – an dat och fir Mënschen, déi et um traditionelle Marché schwéier hunn.

Et ass awer esou, datt bei bestëmmte Plattformaarbechten d’Aarbechtsbedéngungen net ideal sinn. Dëst weist sech ënnert anerem un engem Mangel un Transparenz, Sécherheet- a Gesondheetsschutz sou wéi engem schlechten Zougang zum Sozialschutz.

An da ginn et weider Erausfuerderungen, wéi zum Beispill grenziwwergräifend Plattformaarbecht an dem algorithmesche Management. Fakt ass, datt d’Corona-Pandemie den digitale Wandel beschleunegt huet, ouni dës Plattformen, wär et am Lockdown net méiglech gewiescht, Zougang zu verschiddene Déngschtleeschtungen ze hunn. Gläichzäiteg huet dëse Wandel dozou bäigedroen, erauszefannen, datt d’Aarbechtsbedéngunge fir dës Mënschen nawell prekär sinn a verbessert musse ginn.

Dës éischt Phas an der Consultatioun soll sechs Woche laang lafen, d’Léisung selwer soll spéitstens Enn 2021 presentéiert ginn.

Margrethe Vestager, déi zoustänneg Vizepresidentin vu „Ein Europa für das digitale Zeitalter“ seet dozou: „Dat digitaalt Zäitalter mécht et Entreprisen, Verbraucher*innen, Bierger*inne méiglech nei Méiglechkeeten ze fannen. Plattforme kënnen hëllefen Aarbechtsplazen ze schafen an nei Geschäftsiddien auszetesten. Bei all dëse Virdeeler, däerfe mir net vergiesse sécherzestellen, datt eis europäesch Wäerter och an der digitaler Welt gëllen. Mir mussen dofir suergen, datt dës Aarbecht nohalteg a fair bleift.“

Den Nicolas Schmit, zoustänneg fir Beschäftegung a sozial Rechter ass där selwechter Meenung. Et ass nawell eng Erausfuerderung de Klimaschutz, d’Digitaliséierung an den demografesche Wandel ënnert een Hutt ze bréngen. Elo bleift nëmmen ofzewaarden – an ze hoffen, datt Léisunge fonnt ginn, déi jiddwereen zefridde stellen.

Opmaacherbild: © Parker Byrd / Unsplash

Related topics Aarbechtsbedéngungen, Consulatioun, digital Plattform, Europäesch Kommissioun, Flexibilitéit, Schutz, Sécherheet, Sozialpartner
Next post Previous post