Search

You may also like

Iechternach: Nostalgesch verdreemt an eng alternativ Zukunft kucken.
Neiegkeeten

Iechternach: Nostalgesch verdreemt an eng alternativ Zukunft kucken.

Och dëst Joer war et den Weekend vum 4. August

Eist Holz – D’Ressource am Sënn vun der Kreeslafwirtschaft notzen
Neiegkeeten

Eist Holz – D’Ressource am Sënn vun der Kreeslafwirtschaft notzen

Eis Bëscher bidden nieft dem Liewensraum fir zuelräich Aarten an

Editorial: Kampf ëm Plaz dräi bei der Bundestagswahl
Neiegkeeten

Editorial: Kampf ëm Plaz dräi bei der Bundestagswahl

D’Kräizer fir d’Bundestagswahl maachen eis däitsch Noperen eréischt muer. Et

Spärung vun der Rue des Muguets um 7. Mäerz 2020

Spärung vun der Rue des Muguets um 7. Mäerz 2020

D’Stad Lëtzebuerg informéiert doriwwer, datt et um Samschdeg, de 7. Mäerz 2020duerch d’Opstelle vun engem Kran, d’Rue des Muguets tëscht dem Bricherhaff an der Rue du Kiem gespaart ass. Donieft gëtt et ab dem 9. Mäerz 2020 déi nei Haltestell Barrière Quai 1 bis 3 zu Märel agefouert, wouduerch et och zu Ännerunge beim Arrêt Athénée kënnt.

D’Spärung vun der Rue des Muguets – Um 7. Mäerz 2020 vu 6:00 Auer bis 20:00 Auer

Duerch de Chantier wäert et zu verschidden Ännerungen am Verkéier kommen:

  • D’Linn 20 gëtt ëmgeleet iwwert d’Avenue John F. Kennedy. D’Arrêten Bleuets, Pâquerettes, Marguerites a Muguets ginn a béid Richtungen net ugefuer;
  • Fir Persounen, déi den ëffentlechen Transport notzen, gëtt eng Navette ageriicht, déi ab den Arrêten Pâquerettes a Bleuets a Richtung Léon Hengen, wéi och an der aner Richtung fiert. Dës Navette fiert zu Weimerhof 2 Minutte virum normale Fuerplang vun der Linn 20 a Richtung Zentrum fort. Ab der Haltestell Leon Hengen Quai 1 fiert si 1 Minutt virun der Arrivé vun der Linn 20 a Richtung Stadzentrum fort.

D’Stad Lëtzebuerg këmmert sech ëm déi noutwenneg Beschëlderung.

Nei Haltestell Barrière (Quai 1 an 3) – ab dem 9. Mäerz 2020

Duerch d’Introduktioun vum neien Arrêt Barrière kënnt et an engem zu Ännerunge fir den Arrêt Athénée:

  • Arrêt Barrière – Linnen 12, 15 a 24:
    • Den Arrêt Barrière a Richtung Celtes oder Centre Hospitalier gëtt op d’Kräizung vun der Rue de Merl an der Rue de la Barrière verréckelt a vun de Linnen 12 a 15 bis Celtes, vun der Linn 24 bis bei d’Spidol ugefuer. Den Numm vun der Haltestell ass Barrière Quai 2;
    • A Richtung Howald, Peternelchen wäert d’Linn 24 den Arrêt Barrière Quai 3 op der Héicht vun der Hausnummer 2 vun der Rue de la Barrière ufueren. Esou gëtt och d’Haltestell Charles Quint ersat;
    • Den Arrêt Barrière vun der Linn 12 a Richtung Europapark, wéi och vun der Linn 15 a Richtung Hamm, Rue de Bitbourg, gëtt Barrière Quai 1 genannt.
  • Arrêt Athénée – Linn 12 a 15
    • Den Arrêt Athénée vun der Linn 12 wäert d’Nimm Athénée Quai 1 (Richtung Hamm, Rue de Bitbourg) an Athénée Quai 2 (Richtung Celtes) hunn. De Fuerplang bleift selwecht.

Weider Informatioune ginn et ënnert newbus.vdl.lu.

Related topics Arrêt Athénée, Arrêt Barrière, Chantier, Ëffentlechen Transport, Rue des Muguets, Spärung, Stad Lëtzebuerg, Verkéier
Next post Previous post