Search

You may also like

Wahlen an Éisträich: Wie gëtt Koalitiounspartner vun der ÖVP?
Neiegkeeten

Wahlen an Éisträich: Wie gëtt Koalitiounspartner vun der ÖVP?

Um haidege Sonndeg wielt Éisträich an de Sebastian Kurz läit

Vëlos-Schoul fir Kanner an der Summervakanz
Neiegkeeten

Vëlos-Schoul fir Kanner an der Summervakanz

Fir Kanner, déi nach kee Vëlo kënne fueren a fir

Migratioun: Huet d‘EU iwwerhaapt wëlles eng Léisung ze fannen
Neiegkeeten

Migratioun: Huet d‘EU iwwerhaapt wëlles eng Léisung ze fannen

Virum EU-Ministersommet op der butzeger Mëttelmierinsel Malta sinn d‘Awunner der

D’Stäreschnäize sinn do – wënscht Iech eppes!

D’Stäreschnäize sinn do – wënscht Iech eppes!

An enger Summernuecht den Himmel ze bewonneren ass net nëmme schéin, ma am August ass et och besonnesch. Leider hu mir den Héichpunkt vum Stärstäizestroum Perseiden e Mëttwoch schonn s verpasst. Aktiv sinn d’Stäreschnäize vu Mëtt Juli bis Enn August. Ma, och elo, de Rescht vum Mount ass e Bléck an den Himmel wäert, wann dësen net bewëlkt ass.

Zemools tëscht Mëtternuecht a 4 Auer moies, wa keng Wolleke stéieren, stinn d’Chance gutt e schnelle Schäin z’erblécken. Anscheinend si pro Stonn ongeféier 60 Schnäizen ze gesinn. Wien sech eppes wënsche wëll, soll dobäi am Beschten a Richtung Osten oder Nordoste kucken: Do geet nämlech Stärebild Perseus op. An nodeem sinn déi Meteore benannt goufen.

Chance, eng Stäreschnäiz ze gesinn, besteet iwwerall wou net mat Donnerwieder ze rechnen ass.

Stäreschnäizen

D’Stärebiller Perseus a Kassiopeia © AndreKo (CC BY-SA 3.0)

Dobäi schénge si aus dem Perseus ze entsprangen, mä d’Ursaach läit anzwousch anescht. Op hirer Bunn duerch d’Sonn flitt ons Äerd duerch eng Wollek vu klenge Koméitestécker, déi de Koméit 109PSwift-Tuttle op sengem Wee hannerlooss huet. Hien ëmkreest d’Sonn all 130 Joer, domat huet e schonn s vill Spueren hannerlooss. E gouf 1862 onofhängeg vum Lewis Swift an an Horace Tuttle entdeckt.

D’Perseide ginn och Tréine vu Laurentius genannt an trieden all Joer am August op. Mat 60 Kilometer an der Stonn sinn se nawell séier ënnerwee – ëmgerechent sinn dat 216.000 Kilometer pro Stonn. Déi meescht Meteoren verdämpen an eiser Atmosphär, et ginn awer Ausnamen. Heiansdo schloen se an oder stierzen an d’Mier.

Stäreschnäizen

© Joshua Earle / Unsplash

Wien eng Stäreschnäiz mat engem Wonsch verbënnt, sollt awer oppassen. Och Weltraumschrott fänkt un ze liichten, wann en op d’Äerd fält.

Also, sicht Iech eng schéin däischter Plaz, paakt en Decke mat a kuckt an den Himmel – Är Gedold gëtt sécher belount. Vill Spaass beim Zielen. An datt Är Wënsch an Erfëllung ginn!

Opmaacherbild © Austin Human / Unsplash

Related topics 109P/Swift-Tuttle, Astronomie, August, Himmel, Koméitestécker, Perseiden, Persus, Stäreschnäizen, Summernuecht, Tréine vu Laurentius, Wonsch
Next post Previous post