Search

You may also like

Human Rights Watch Film Festival 2020 – Wou Mënscherechter ënnert d’Lëns geholl ginn
Kultur Neiegkeeten

Human Rights Watch Film Festival 2020 – Wou Mënscherechter ënnert d’Lëns geholl ginn

New York – Den Human Rights Watch Film Festivals (HRWFF)

Vakanzeresidenz Cabasson – Wiem gehéiert den Domaine?
Kultur Neiegkeeten

Vakanzeresidenz Cabasson – Wiem gehéiert den Domaine?

Et gehéiert sech – esou den offizielle Jargon – datt

CSJ: D’Familljeministesch Corinne Cahen muss hirer Verantwortung endlech gerecht ginn!
Kultur Neiegkeeten

CSJ: D’Familljeministesch Corinne Cahen muss hirer Verantwortung endlech gerecht ginn!

Säit bal engem Joer sëtzen eeler Leit eleng an hirem

Bluddeg Noriichten: Zu Éieren vum Stephen King

Bluddeg Noriichten: Zu Éieren vum Stephen King

Alles Guddes fir de Gebuertsdag, Här King (wann och nodréiglech)! De Meeschter vun den Horrorgeschichte krut e Méindeg nämlech seng 73 Joer. An all de Jore sinn him d’Iddie glécklecherweis net ausgaangen, wouduerch mir Iech säin neit Buch „Blutige Nachrichten“ (Heyne) virstelle kënnen.

Et fannen sech véier ënnerschiddlech Novellen an dësem décke Schmöker. Heiansdo méi kuerz, heiansdo och méi laang. Well ech dem Här King seng Bicher all kennen, war et mir eng Freed d’Holly Gibney aus dem Outsider-Buch erëmzebegéinen. Säi Charakter ass nawell eenzegaarteg an hatt huet sou munch Macken. Mä hatt huet och e gudde Bléck fir Detailer – Klengegkeete falen em op, déi aner Leit mol net bemierke géifen.

U sengem Selbstbewosstsinn huet hatt och geschafft. Gutt, et muss een “Der Outsider” net onbedéngt kennen, ech mengen awer, datt e bëssen Hannergrondwëssen nach méi Freed mécht. Nieft dem Holly begéine mir nach aner Charakteren aus der Bill Hodges Rei.

King

D’Buch ass en typesche King. Entweder et kann een eppes mat sengem Horrorstil ufänken oder net. Mech zitt en allkéiers a säi Bann. E puer Sätz ginn duer, fir de Recht vun der Geschicht gefaangen ze sinn. An dat mécht e gudden Auteur aus. En ass eenzegaarteg. Magie vu senge Bicher?

All Charakter hunn eng onverkennbar Stëmm, déi e wärend dem Liesen héiert – ob e wëll oder net …

Iwwer déi véier Novelle wëll ech net ze vill erzielen, et wär gutt, wann Dir D’Charakteren all selwer kenneléiert. An dat ass derwäert! Et geet ënnert anerem ëm Handyen, Frëndschaften a Bicher – natierlech mat Gruseleffekt!

Eng vun den Novellen ass e bësse méi speziell opgebaut, dem Chuck säi Liewe gëtt vun hannen erzielt. Iwwerrascht gouf ech do vun dem klengen Touch Philosophie. Ass et eng Dystopie? Geet et ëm den Zesummebroch vun der Welt? Ma dat ass un eis ze entscheeden, jiddefalls ass et e Bléck op Liewen an Dout!

An där leschter Geschicht huet den Drew eng Schreifblockade. En hëlt sech eng Auszäit vun der Aarbecht a Famill. Wat do wuel passéiert?

D’Buch huet mir ofwiesslungsräich Liesstonne geschenkt, den Här King huet alt nees bewisen, datt hien et drop huet

Souguer d’Nowuert ass derwäert ze liesen, den Auteur schreift e bëssen iwwer seng Léift zum Holly. Ewéi scho gesot, et ass e fantastesche Charakter, hoffentlech begéint een hatt an engem weidere Buch erëm!

A gutt, datt den Här King schreiwe kann, ouni es selwer mat der Angscht ze kréien!

Related topics 4 Novellen, Bicher, Blutige Nachrichten, Buchpresentatioun, Frëndschaft, Gebuertsdag, Gruseleffekt, Holly Gibney, Horror, Literatur, Stephen King
Next post Previous post