Search

You may also like

geek
F is for Family – Eng Serie vun den Extremen
Neiegkeeten

F is for Family – Eng Serie vun den Extremen

F is for Family ass net ëmmer ganz einfach fir

Ungarn nees am Fokus vun der EU-Kommissioun
Neiegkeeten

Ungarn nees am Fokus vun der EU-Kommissioun

Well dem faschistoide Viktor Orban – deen d‘Subventiounen aus Bréissel

Editorial: Ka Literatur eis hëllefen, negativ Verstëmmungen ze iwwerwannen?
Neiegkeeten

Editorial: Ka Literatur eis hëllefen, negativ Verstëmmungen ze iwwerwannen?

Scho fir déi al Griiche ware Bibliothéike Raim, wou d’Séilen

Transport vu geféierleche Wueren: Zu Sterpenech koum et zu 17 Protokoller

Transport vu geféierleche Wueren: Zu Sterpenech koum et zu 17 Protokoller

Gutt 40 Agente vun der Police, der Douane an aneren Autoritéiten hunn den 20. Mee eng gréisser Kontroll vun den Airen vun der Autobunn zu Sterpenech (E411-E25) duerchgefouert. Dobäi louch de Fokus um richtegen Transport vu geféierleche Wueren, wéi beispillsweis Kuelewaasserstoff, Waasserstoffperoxid oder gëftegt Offäll.

Erënnert Dir Iech un den Disaster zu Los Alfaques a Spuenien am Joer 1978? Bei enger Explosioun vun enger Semi-Remorque, déi brennbare Gas (Propen) transportéiert huet, sinnam Beräich vun engem Camping 216 Persounen ëm d’Liewe komm, a méi wéi 400 Mënsche goufe blesséiert.

Den Inspekter Alexandre Mary, President vum belschen ADR-Reseau a Member vun der federaler Police, weist donieft op e Virfall vum leschte Joer hin, bei dem e Camion Feier gefaangen huet a säi Contenu zu Lierneux verluer huet. De Chauffeur wousst net, wat en transportéiert an esou war et de Pompjeeën net méiglech, Virsiichtsmoossnamen ze ergräifen. Den Asaz huet stonnelaang gedauert, d’Strooss war gespaart.

Net fir näischt ginn et speziell Precautiounsmesuren an den internationalen Accord zum Transport vu geféierleche Wueren (ADR) musse berécksiichtegt ginn. En Accident oder Virfall kéint nämlech katastrophal Auswierkungen fir d’Ëmwelt, d’Wirtschaft an de Mënsch mat sech bréngen.

Konform zur europäescher Direktiv 95/50/CE mussen dofir reegelméisseg Kontrollen duerchgefouert ginn. Am Asaz un der belsch-Lëtzebuerger Grenz waren zuelräich Agente vun der lokaler a federaler Police, Beamten aus der Regioun Wallounien a vun der Autosécherheet, sou wéi d’Lëtzebuerger Police, d’Douane an den Transportministère

Ënnerdeelt an 13 Gefore-Klasse ginn et iwwer 3.500 Wueren, déi zu de geféierleche Produiten gehéieren. Bei de 37 Gefierer, déi kontrolléiert gi sinn, koum et zu 21 Verstéiss géint d’Reglement. Ënnert anerem waren d’Wuere falsch verstaut, d’Dokumenter net komplett oder schlecht ausgeschafft.

Weider 9 Verstéiss goufen am Bezuch op d’Immatrikulatioun an d’technesch Kontroll gezielt. An dësem Kader hunn d’Agente 17 Protokoller misse verdeelen.

Fir den Inspekter Mary beweisen d’Resultater vun der Aktioun d’Noutwennegkeet vun dëser Aarbecht. „Den ADR bleift eng komplex Reglementatioun, mee eis Kontrollen viséieren d’Stroossesécherheet vun eis all un.“

Opmaacherbild: © Federal Police a federal Stroossepolice (DAH), WPR Brabant

Related topics Accident, Alexandre Mary, Autobunn, Douane, Explosioun, explosiv Stoffer, federal Police, gëfteg Offäll, internationalen Accord zum Transport vu geféierleche Wueren, KuelewaasserStoff, Los Alfaques, Policebeamten, Sterpenech, Transport vu geféierleche Wueren
Next post Previous post