Summerschool 2020: Didaktescht Material zur Nohëllef

Säit dem 24. August proposéiert d’Plattform schouldoheem.lu ënnert dem Numm „Summerschool 2020“ gratis thematesch Dossieren mat Opléisungen, fir datt d’Schüler an hirer Summervakanz hir Coursen reviséiere an opschaffe kënnen.

Nodeems duerch d’Coronakris och d’Organisatioun vum Schoulsystem beanträchtegt ginn ass, geet et dorëm, datt kee Schüler dauerhaft benodeelegt gëtt. All Kand a Jugendlechen soll d’Méiglechkeet kréien, sech op d’Rentrée 2020/2021 preparéieren ze kënnen.

© MENJE

Mam didaktesche Material vun der „Summerschool 2020“ kënne Schüler vum Fondamental a Secondaire déi Fächer an Themen nach emol duerchhuelen, an deene si sech net sécher an nach net gutt virbereet spieren.

Fir un d’Léiermaterial ze kommen, muss ee sech mam IAM-Kont iwwert schouldoheem.lu umellen. Vum 31. August bis 11. September 2020 ginn dës Dossieren och an den offiziellen Nohëllefcoursen genotzt.