Search

You may also like

Besoff op Neijoerschdag: Elo ass dëse Kärel Känguru-Papp!
International Neiegkeeten

Besoff op Neijoerschdag: Elo ass dëse Kärel Känguru-Papp!

Trëfft een oniwwerluecht spontan Decisiounen a gëtt Sue fir eppes

Tournage vun „Mission Impossible 6“ ënnerbrach
International Neiegkeeten

Tournage vun „Mission Impossible 6“ ënnerbrach

Well sech d’Star Tom Cruise beim Tournage vum sechsten Opus

Landwirtschaft a Gaart: E „Waasserdësch“ fir eng responsabel Notzung vum Waasser
International Neiegkeeten

Landwirtschaft a Gaart: E „Waasserdësch“ fir eng responsabel Notzung vum Waasser

Gëschter hunn d’Ministere Romain Schneider a Carole Dieschbourg op den

Twitter wëll d‘Annonceure vu politesche Reklammen identifizéieren

Twitter wëll d‘Annonceure vu politesche Reklammen identifizéieren

Um Donneschdeg huet sech Twitter nei Richtlinne ginn, an huet eng Authentifizéierungsflicht fir Annonceuren agefouert, déi d‘Netzwierk notzen, fir „sensibel Reklammen“ ze schalten. Esou soll den ongezielte Campagne vun Desinformatioun a Manipulatioun, déi an de leschte Méint fir vill Opreegung gesuergt hunn, d‘Grondlag entzu ginn.

Dat neit Reglement zwéngt notamment d‘Annonceuren eng Passfoto an zouverlässeg Moyene zur Verfügung ze stellen, déi et erméiglecht mat hinne Kontakt opzehuelen. Twitter verbitt elo och staatleche Medie politesch Reklammen, ausserhalb hire Länner, am Netzwierk ze verëffentlechen. Sënn an Zweck heivunner ass et, d‘Annonceuren ze „zertifiéieren“, déi eng Rei Kritären ze erfëllen hunn, an d‘Reklamme selwer, ginn als „Message mat politeschem Charakter“ identifizéiert.

Wat muss sinn, muss sinn…

Et ass eng Entscheedung zu där sech Twitter huet missen duerchréngen, no de Desinformatioun- an Manipulatiounscampagnen déi an de sozialen Netzwierker gefouert goufen. Ausléiser sinn d‘Aktivitéite vu Russland am Kader an der Wahlcampagne zur US-Presidentschaft 2016 – déi nach ëmmer vir Opreegung suergen an eng Enquête duerch de Spezial-Procureur mat sech bruecht huet – an dem Iran, deem seng Propagandaaktivitéite vun Twitter a Facebook denoncéiert goufen.

„Et geet bei dësem neie Reglement drëms bei dëse Reklamme méi Transparent géintiwwer dem Public ze sinn, där hiren eenzegen Zweck et ass, d‘Meenung vun de Leit esou ze beaflossen, datt et en Impakt op Walen huet“, hunn den Del Harvey an Bruce Falck vun Twitter op Internet erkläert. Déi Reegele betreffen all gebühreflichteg Message déi Politiker betreffen, oder déi sech mat Legislatiounen zu Theme vun nationalem Interessi beschäftegen.

Twitter nennt Beispiller: Schwangerschaftsofbroch, Immigratioun, Biergerrechter, Waffen an de Klimawandel, mee och wann et ëm Pensiounen, Steieren, Handel oder national Sécherheet geet, wëll sech Twitter „amëschen“ an all Form vu Propaganda oder Manipulatioun am Kéim erstécken. Déi Verantwortlech vu Facebook, Google an Twitter hunn och nach e Rendez-vous virum Kongress (5. September), wou se sech zu der Manipulatioun duerch auslännesch Regimmer erkläre mussen.

mat AFP

Related topics Manipulatioun, Politik, Propaganda, Richtlinnen, Twitter
Next post Previous post