Search

You may also like

Editorial: Wat en Trallala
Neiegkeeten

Editorial: Wat en Trallala

Et gëtt där Diskussiounen, déi kënnen engem de leschten Nerv

USA: 11 Doudeger no Schéisserei an enger Synagog
Neiegkeeten

USA: 11 Doudeger no Schéisserei an enger Synagog

E Mann vu 46 Joer huet e Samschdeg, an enger

Déngschtleeschter fir d‘Impfcampagne
Neiegkeeten

Déngschtleeschter fir d‘Impfcampagne

Den 1. Abrëll haten d‘CSV-Deputéiert Martine Hansen a Claude Wiseler

ULC-Petitioun kritt um Krautmaart gréng Luucht

ULC-Petitioun kritt um Krautmaart gréng Luucht

D’Petitioun vum Konsumenteschutz (ULC) géint déi ongerecht an onsozial Bankfraise fir am Schalter getätegt Operatiounen (Geld Iwwerweisen, Abezuelen an/oder Ophiewen) ass den 30. Abrëll vun der Petitiounskommissioun an der Chamber fir gülteg erkläert ginn. Gezielt goufen 5.682 gülteg Ënnerschrëfte vu Bierger, déi d‘Petitioun vun der ULC ënnerstëtzt hunn.

Sënn an Zweck vun der Petitioun ass et Ännerungen am Gesetz vum 13. Juni 2017, dat sech op Bankkonte bezitt, erbäizeféieren. Méi Prezis ausgedréckt, d‘ULC verlaangt eng gesetzlech verankert Flicht fir déi Banken, déi sougenannt „Basis-Déngschtleeschtungen“ am Schalter zu däitlech verbesserte Konditiounen unzebidden. Eng Fuerderung déi och fir Geldautomate gëllt.

An der Petitioun (1182) fuerdert de Konsumenteschutz dann och d‘Gratuitéit vun de Servicer (Basis-Operatiounen) fir déi Mënschen, déi een als „vulnerabel“ bezeechent. Heifir bezitt sech de Konsumenteschutz op d‘EU-Direktiv zu de Bankkonten aus dem Joer 2014 (2014/92/EU).

D‘ULC seet alle Leit déi hir Petitioun ënnerstëtzt hunn Merci, a waart elo ongedëlleg op déi ëffentlech Unhéierung an der Chamber. Dës Geleeënheet wëll genotzt ginn, fir d‘Fuerderunge mat Argumenter ze stëtzen, respektiv ze begrënnen.

Matgedeelt vun der ULC, aus dem däitschen iwwersat vum Laure Schlesser

Bild: Thomas Breher / Pixabay

Related topics Bankefraisen, Konsumenteschutz, Petitioun, Petitioun 1182, ULC
Next post Previous post