Search

You may also like

Adapto a CAPABS: Ännerungen beim spezifeschen Transport
Kultur Neiegkeeten

Adapto a CAPABS: Ännerungen beim spezifeschen Transport

Wéinst de jéngsten Entwécklunge kënnt et zu Ännerungen beim Transport fir Persoune

Grenzkontrollen an der EU stelle Schengen-Raum a Fro
Kultur Neiegkeeten

Grenzkontrollen an der EU stelle Schengen-Raum a Fro

D‘Verlängerung vun de Grenzkontrollen innerhalb vun der EU ass noutwenneg,

Paräis brennt!
Kultur Neiegkeeten

Paräis brennt!

Et kléngt verréckt mee datt ass et elo grad net.

E Lëtzebuerger Ouerwuerm: U.Nique mat „Wéi Fréier“

E Lëtzebuerger Ouerwuerm: U.Nique mat „Wéi Fréier“

Tëscht dem ganze Stress an der Hektik vum Alldag denke mir leider vill ze wéineg drun, emol z’entspanen, erofzekommen an den Elo genéissen. Mam Lidd „Wéi Fréier“ vum Lëtzebuerger Museker U.Nique kritt Dir net nëmmen e richtegen Ouerwuerm a Loscht ob e Béier, mee och nach bal 4 Minutten Auszäit gebueden.

Ënnert dem Kënschtlernumm U.Nique – schliisslech ass jiddwereen esou eenzegaarteg wéi d’Musek – mécht dëse gemällege Kärel drop opmierksam, datt d’Gesellschaft vill fuerdert an eis esou d’Zäit fir eis selwer ewech hëlt. Deemools als Jugendlechen huet ee sech nach wéineg Gedanken ëm d’Auer gemaach. Et war een einfach ee selwer an huet probéiert, zesumme mam Frëndeskrees, de Moment ze genéissen.

„Einfach mol den Moment genéissen an net un muer denken“, réit de U.Nique am Interview.

Mulles? Wien ass de Mulles?

Wien d’Gespréich am Ufank vum Lidd verfollegt, dee freet sech vläicht och wien dann dee Mulles ass, deen esou bänzeg e Béier well. Ma, hien existéiert tatsächlech an ass souguer ee vun de beschte Kollege vum Museker.

„Ech hunn och een Lidd mat him. “Kréien ech een Béier wannechgelift” ass an der nämmlechter Zäit wei Lidd “wéi Fréier” entstanen. De Mulles war eng grouss Inspiratioun fir dat Lidd, genau esou wéi all meng Leit, déi ëmmer hannert mir stinn!“ An deem Video kritt een déi zwee also och emol ze gesinn.

Dobäi sollt een nach soen, datt d’Wierk „Wéi Fréier“ scho virum Confinement entstanen ass. Eigentlech sollt et mat engem kreative Video verbonne ginn, wou de Confinement allerdéngs e gewaltege Stréch duerch d’Rechnung gemaach huet. Deemnächst soll awer nach eppes no kommen, sou datt de Refrain „Jiddwereen huet Stress, komm mol erof, drénk ee Béier. Sëtzen op der Spillplaz, genau wéi fréier“ passend ënnerstrach gëtt. (Mir kréien dee Passage iwwregens elo schonn net méi aus dem Kapp.)

Wéi Fréier

U.Nique / Facebook

A wéi ee Béier wiels du?

Fir de U.Nique bedeit Entspanung aktuell sech am Studio auszetoben. Zesumme mat Kollegen an engem Béier geet dat nach besser. A wann de Museker e killt gëllent Gedrénks aus Happ a Malz wiele misst, da wier et de Jupiler. „Bëlleg a gutt“ ass d’Devise.

Säin nächsten Optrëtt kann ee sech schonn am Kalenner notéieren: Den 19. September wäert de U.Nique op der Bühn vum Festival On Stéitsch stoen.

wéi fréier

Dir fannt hien op Facebook, Instagram, YouTube a Spotify.

Related topics Beier, Entspanen, Entspanung, Happ a Malz, Jupiler, Lidd, Mulles, Rap, Rou, Spillplaz, U.Nique, Wéi Fréier
Next post Previous post