Search

You may also like

Porsche Carrera Cup Däitschland: E schwierege Saisonstart fir den Dylan Pereira
International Neiegkeeten

Porsche Carrera Cup Däitschland: E schwierege Saisonstart fir den Dylan Pereira

De Lëtzebuerger Pilot Dylan Pereira hëlt beim Saisonstart vum Porsche

Daniel Düsentrieb 2.0 – Mini Maker Faire zu Rouspert
International Neiegkeeten

Daniel Düsentrieb 2.0 – Mini Maker Faire zu Rouspert

Ëmmer méi Leit hunn an de leschte Joren hiert eegent

dislike
Benjamin Netanjahu: „Den Iran huet eng rout Linn Iwwerschratt!“
International Neiegkeeten

Benjamin Netanjahu: „Den Iran huet eng rout Linn Iwwerschratt!“

Israel schéngt et op en offene Schlagaustausch mam Iran unzeleeën

USA: Wirtschaftssanktioune versus Awanderung

US-President wëll mat engem Strof-Zoll géint Mexiko d‘Migratioun bekämpfen

USA: Wirtschaftssanktioune versus Awanderung

Datt den Donald Trump seng Mauer un der Grenz zu mexikanesch-amerikanescher net no eegenem Gusto kann opriichten, huet u senger Astellung géintiwwer de Migranten aus Latäinamerika näischt geännert. Säi neie Projet: „Strof-Zoll“ op alle Wueren, an den Taux soll all Mount erhéicht ginn…

Ënner „Strof-Zoll“ ass an dësem Fall ganz eng „Sanktioun“ ze verstoen. Eng Sanktioun mat där déi mexikanesch Regierung soll gezwonge ginn, déi haart a virun allem méi konsequent géint Mënsche virzegoen, déi iwwer Mexiko illegal an d‘USA awandere wëllen. Ab dem 10 Juni ginn op all d‘Wueren déi aus Mexiko importéiert ginn, 5% extra Douanestaxen erhuewen. Tendenz steigend.

Awanderung

Passéiert näischt, esou den US-President, erhéijen sech dës Douanestaxe bis Oktober schrëttweis op 25%. Grond fir dës „nei“ Moossnam: den Donald Trump werft de mexikaneschen Autoritéite vir, déi illegal Migratioun aus Latäinamerika ze ënnerstëtzen. „Dëst Verhale stellt e Noutstand an eng ausseruerdentlech Bedreeung fir déi national Sécherheet an d‘Wirtschaft vun den USA duer“.

Awanderung

Mexiko gëtt domatter op en neits mam Réck widder d‘Mauer gestallt a folgerichteg zu enger Reaktioun gezwongen. Aus dem Ausseministère ginn déi geplangten Douanestaxen als „Desastréis“ ëmschriwwen, an de Staatssekretär Jesus Seade huet annoncéiert, datt sollten d‘USA hir Menace ëmsetzen, déi mexikanesch Regierung genéidegt wier ugemoosse Géigemoossnamen ze ergräifen.

Awanderung

Déi e Mëttwoch vun der Grenzpolice opgegraffe Migranten, stamen aus Guatemala, Honduras an El Salvador. Opgelëscht goufen 934 Familljememberen, 63 onbegleete Mannerjäreger an 39 Erwuessener déi eleng ënnerwee waren. © CBP

Et gëtt dann awer och Grënn fir dem Milliardär seng neierlech „Iwwerreaktioun“. Déi „illegal“ Migratioun (Awanderung an d‘USA via Mexiko) huet am Zäitraum Oktober 2018 – Abrëll 2019, nees zougeholl. Laut der Grenzpolice CBP sinn 530.000 Mënschen illegal an d‘USA agewandert. Dat sinn géintiwwer der selwechter Period am Virjoer, eng 10.000 weider „Eenheeten“, esou CBP.

Awanderung

Erënnere mir dann awer nach drun, datt eng Grenzmauer mat Mexiko zum Donald Trump sengen zentrale Wahlversprieche gehéiert huet, an hien an dësem Dossier och kee Kompromëss wëll a wäert zouloossen. Esou hat hie schonn am Februar den nationalen Noutstand ausgeruff, fir quasi duerch d‘Hannerdier d‘Fongen ze erhale fir d‘Mauer ze bauen. Och dat war him verwiert bliwwen.

Awanderung

Wéi dës nei „Wirtschaftssanktiounen“ elo vun der Weltgemeinschaft opgeholl a verstane ginn, a wéi déi a Mexiko implantéiert US-Entreprisë vun dësem „Strof-Zoll“ impaktéiert ginn, kann zur Zäit net bemooss ginn. Et ass jo mëttlerweil allgemeng bekannt, datt ee „Fluchtursaachen“ a Migratioun net mat Sanktioune bekämpfe kann, zemools wann e se selwer geschafen huet.

mat indymedia/was/lax/hou

Foto: Um Mëttwoch haten d‘Grenzpolizisten am Secteur vun El Paso (New Mexiko) dee bis ewell gréisste Grupp vun illegalen Awanderer gestoppt. © CBP

Related topics Awanderung, Donald Trump, Douanestaxen, Latäinamerika, Mexiko, Strof-Zoll, USA
Next post Previous post