Search

You may also like

E puer Netflix-Recommandatiounen: Stateless an Children of Men
International Neiegkeeten Stories

E puer Netflix-Recommandatiounen: Stateless an Children of Men

Netflix and chill – dëse Sproch ass wuel jidderengem bekannt.

Jonk an engagéiert: De Joël Back huet vill Iddie fir Péiteng
International Neiegkeeten Stories

Jonk an engagéiert: De Joël Back huet vill Iddie fir Péiteng

Fir vill jonk Politiker ass de Wahlkampf 2017 déi éischte

Wann eppes gutt ass gëtt et bäibehalen
International Neiegkeeten Stories

Wann eppes gutt ass gëtt et bäibehalen

D‘Stroossebauverwaltung huet beschloss d‘Vitessereguléierung op den Autobunnen „A6“ an „A1“

Wat ass un de Rumeuren drun, datt d‘USA Grönland wéilte kafen?

Well dem Donald Trump alles zouzetrauen ass, sollt een sech nach en Ament d‘Laache verknäifen

Wat ass un de Rumeuren drun, datt d‘USA Grönland wéilte kafen?

Dir hutt et schonn héieren, well keng Noriichtenagence, keng Zeitung an och kee Radio oder Tëlee sech et konnt entgoe loossen. Zanter dem Freideg maache Geschichten den Tour vun der Welt, an deene behaapt gëtt, datt dee geniaalste President an der Geschicht vun den USA Grönland kafe wëll.

An hei stellt sech als éischt d‘Fro: Soll een driwwer laachen? Ass et mat Kapprësele scho gedoen? Geséchert ass zumindest datt et fir dës Rumeure keng „offiziell Grondlag“ gëtt. Mee et geet ëm den Donald Trump, an da mussen d‘Medie beriichten (och mir) egal wéi verréckt an onglafwierdeg déi verbreeten Informatioun ass. A wann eng Rumeur bis gestreet ass, kritt ee se net méi agefaangen.

Grönland

Fake-News sinn nëmmen da wierklech gutt, wann ee häerzlech de Geck domatter maache kann

Dat féiert dann och zu „Reaktiounen“, déi dann awer mam selwechte Seriö dierfe beliicht ginn. Do huet e fréieren dänesche Ministerpresident getwittert „Dat muss en 1. Abrëllsgeck sinn“, an d‘Bette Midler freet sech op de Milliardär iwwerhaapt weess wou Grönland geleeën ass… Mee wat sech hei „Absurd“ unhéiert, sollt een net mëssverstoen. Den US-President wat Grönland u Ressourcen huet.

Nei ass d‘Iddi net

An dorëms geet et am Kär. Elo ass zwar gewosst, datt de Klatzkapp de Klimawandel verleegent, net awer datt hien – oder zumindest seng Wirtschaftsberoder – vergiess hätte wéi eng Ressourcen sech ënnert dem Äisdeckel vu Grönland verbiergen. An hei dierf een déi geostrategesch Lag vum Land net aus dem Bléck verléieren. Grönland géif sech gutt fir d‘Stationéiere vun Atomwaffen eegnen.

GrönlandErënnere mir dann och drun, datt scho virun 73 Joer e gewëssenen Harry Truman, datt war den 33. President vun der Vereenegte Staaten, den Dänen 100 Milliounen US-Dollar fir déi arktesch Insel ugebueden hat. Eng vernënfteg Propose, ëmmerhin hat Kopenhagen den USA e puer Joer virdrun d‘Virgin Islands an der Karibik fir 25 Milliounen US-Dollar ofgetrueden. Firwat net Grönland?

Geld ka villes

Iwwerhaapt sinn d‘Amerikaner ee „Kaffreedegt Vollek“. Si hunn am 19. Joerhonnert vill Gebitter opkaf fir hiren Territoire ze consolidéieren. De Fransousen hunn se de Staat Louisiana fir deemools 15 Milliounen US-Dollar, de Russen Alaska fir 7 Milliounen an de Spuenier Florida fir ganzer 5 Milliounen ofgeknäppt. Datt de Milliardär an senge Virgänger net nostoe wëll, ass verständlech.

GrönlandAls schéinsten a verbal verséiertsten US-President, bedreift den Donald Trump Politik wéi een se nach net gesinn huet, an et sollt een hie vläicht net ëmmer wiertlech, mee ëmmer eescht huelen. Déi dänesch Regierung huet dann och gemengt, datt Grönland net zum Verkaf steet, ouni sech op de Mediespektakel anzeloossen. Fir e lëschtegt Comptoirsgespréich huet d‘Nouvelle awer gedaacht…

Related topics Buedemschätz, Dänemark, Donald Trump, Grönland, USA
Next post Previous post