Search

You may also like

„Wat heescht hei Léift?“ um 11. November am Escher Theater
Kultur Neiegkeeten

„Wat heescht hei Léift?“ um 11. November am Escher Theater

„Wat heescht hei Léift?”, huet de Berliner Kanner- a Jugendtheater

Eng Rees ënnert engem grousse Schied
Kultur Neiegkeeten

Eng Rees ënnert engem grousse Schied

Aktuell dänzelt eise Premier, de Xavier Bettel, duerch San Francisco

Oppene Bréif: Sue maachen d’Léit an de Planéit net gesond!
Kultur Neiegkeeten

Oppene Bréif: Sue maachen d’Léit an de Planéit net gesond!

Um 22. Juli huet sech d’Nathalie Meier-Hottua vu [R]Evolution mat

#VakanzDoheem – De Päiperleksgaart zu Gréiwemaacher

Wien tropesch Hëtzt gären huet, fillt sech am Päiperleksgaart zu Gréiwemaacher immens wuel. An der wonnerschéiner Anlag, déi der Wäifirma Caves Bernard-Massard gehéiert, ginn iwwer 30 Päiperleksaarten an natierlecher Ëmgéigend presentéiert .

De Gaart ass déi ideal Plaz fir Naturfrënn a faarwefrou Schéinheeten. Op där tropescher Plaz – schliisslech sinn hei konstant 28 Grad Celsius a 70 Prozent Loftfiichtegkeet – kann ee gemittlech op 600m² exotesch Päiperleken, Villercher, Deckelsmouken, Chameleonen an elauter verschiddene Planze bewonneren. Et ass en Eck fir ze dreemen, Bänke fir eng kleng Paus sinn do. Souguer e Beievollek huet eng hannert Glas geséchert Plaz. Interessant!

Duerch déi aktuell Covid-19-Situatioun ass en Tour leider op eng Stonn begrenzt. Ma, méi laang hu mir souwisou net gebraucht. Online-Reservatioun ass Flicht, esou kënnen d’Gruppe besser agedeelt ginn a kee leeft Gefor heem geschéckt ze ginn. D’Maske sinn och obligatoresch, mä dorunner si mir dach schonn s gewinnt, genee ewéi un desinfizéiere vun den Hänn.

Am Beschten ass natierlech, wann d’Kanner net duerch d’Géigend lafen, mä bei hiren Eltere bleiwen. Distanz anhale war och kee Problem, d’Gruppe sinn allkéiers limitéiert. Géigesäitege Respekt gëtt grouss geschriwwen!

No deem hëtzegen Erliefnis ass et nach méiglech sech originell Souveniren am Shop ze kafen, natierlech sinn se och ideal als Kaddo. An net alles ass mat Päiperleken, et ass fir Kleng a Grouss. Wat méin Häerz erfreet huet, ass déi grouss Unzuel vu Bicher, déi mëttlerweil am Shop ze fanne sinn.

D’Mataarbechter si ganz frëndlech a fannen op all Fro déi richteg Äntwert. Mir huet dës Visitt immens gutt gefall! Ausserdeem ginn et nach Produiten aus „dem SeefenAtelier“. Handgemaach, a méi ewéi e Bléck derwäert – dir wësst jo, iergendwann deemnächst ass Chrëschtdag! Wat villäicht nach ze soen ass: et hëlleft lokal Geschäfter ze ënnerstëtzen.

Wann Iech dësen Ausfluch net sollt duergoen – maacht nach en Tour laanscht d’Musel, kuckt d’Schleis a bewonnert d’Schëff. Et ass wierklech e schéinen Eck. An dat soen ech net, well ech an der Géigend wunnen!

Uewen fannt Dir eng kleng Billergalerie © Jessica Mersch

Related topics #VakanzDoheem, Ausfluch, Chameleon, de SeefenAtelier, Gréiwemaacher, Musel, Päiperleksgaart, Planzen, Tropesch temperaturen, Visitt
Next post Previous post