Search

You may also like

SUDCAL notz d‘Hëtzt vun ArcelorMittal fir de Quartier Belval ze alimentéieren
Kultur Neiegkeeten

SUDCAL notz d‘Hëtzt vun ArcelorMittal fir de Quartier Belval ze alimentéieren

Well et sënnvoll ass, déi iwwerschësseg Hëtzt ze notzen, déi

E Kaméil an der Wüst
Kultur Neiegkeeten

E Kaméil an der Wüst

Am US-Representantenhaus hu mëttlerweil net méi eleng d‘Demokraten es mat

Chantier um Echangeur Stroossen (24.-27.07.2020)
Kultur Neiegkeeten

Chantier um Echangeur Stroossen (24.-27.07.2020)

D’Stroossebauverwaltung informéiert, datt et duerch de Reamenagement vum Echangeur Stroossen

#VakanzDoheem – D’Vilfalt vu Veianen

O, wat ware mir motivéiert onst d’Schlass zu Veianen kucken ze goen. Da gëtt natierlech vum eenzege Sessellift zu Lëtzebuerg profitéiert. Ganz douce fiert en op eng Héicht vu 440 Meter erop. Ma, duerch meng Héichtenangscht war et mir net méiglech vum Panoramabléck ze profitéieren. Mäi Mann seet awer, datt en derwäert ass. Et ass eng schéin Naturlandschaft, esou wäit de Bléck reecht.

No engem laangen, stengege Wee, si mir dunn beim Schlass ukomm, heiansdo ass een iwwer Reschter vun ale Mauere getrëppelt. E gutt Gläichgewiicht ass vu Virdeel. Eragaangen si mir leider net, de Schweess ass eis d’Stier erofgelaf an d’Waardeschlaang war nawell grouss.

Fir et kuerz ze faassen – mir hunn opginn. Ewéi et dobannen ausgesäit, musse mir eng aner Kéier kucken. Dir kënnt Iech och Äert eegent Bild maachen! Dat war awer net schlëmm, Veianen ass eng kleng molerescht a charmant Stad mat aussergewéinlecher Geschicht an Architektur. Um Wee fir op de Parking si mir laanscht allerlee Kuckeswäertes komm – dorënner war, ënnert anerem Trinitarierkierch. Si gouf 1298 gebaut an zielt zu de bedeitende Monumenter vum Land.

Vill Terrasse lueden op eng kleng oder grouss Erfrëschung an, se waren eis awer ze voll – allerdéngs huelen ech dat als gutt Zeeche fir d’Lëtzebuerger Gastronomie.

A wann Dir Frënn vun där aler Literatur sidd, besicht onbedéngt den Victor Hugo Musée, de bedeitenden Auteur huet a sengem Exil do gelieft. Ech, grousse Fan vu Les Miserabeles a vum Glöckner vun Notre-Dame muss dat déi nächste Kéier nohuelen. Onbedéngt! An e Bléck op Dokumenter an Zeechnunge vu sengem Openthalt hei am Land kucken. Do sinn ech sécherlech voll a mengem Element.

Et ass schonn erstaunlech ewéi dës Spadséiergäng den Interessi vum eegene Land wakereg këddelen. Ech si schonn s op eis nächst Entdeckunge gespaant.

Uewen fannt Dir eng Billergalerie © Jessica Mersch / moien.lu

Related topics #VakanzDoheem, Gastronomie, Literatur, Panorama, Sessellift, Sightseeing, Trinitarierkierch, Veianen, Veianer Schlass, Victor Hugo Musée
Next post Previous post