Search

You may also like

Cargolux-Fliger mécht säin Tank iwwert der Belsch eidel
Neiegkeeten

Cargolux-Fliger mécht säin Tank iwwert der Belsch eidel

De Vol CV7302 Lëtzebuerg-Singapur mat der Registréierung LX-VCK huet en

Biergerdialog a Wahlkampf: „fléissend“ Grenzen
Neiegkeeten

Biergerdialog a Wahlkampf: „fléissend“ Grenzen

Steierflucht, Ekologie a Migratioun: dat waren e puer vun de

Wiem gehéiert dëst Gebai? Eis alleguerten!
Neiegkeeten

Wiem gehéiert dëst Gebai? Eis alleguerten!

De Protest vun déi lenk Stad – déi hei vun

Vëlosummer 2020 – Do dréins de um Rad!

Vëlosummer 2020 – Do dréins de um Rad!

Am Kader vun enger Pressekonferenz haut de Moien huet den Tourismusminister Lex Delles an zackegem Tempo nach emol déi wichtegst Detailer zum Vëlosummer 2020 zesummegefaasst. Mat der Kombinatioun aus iwwer 1.000 Kilometer Vëlosweeër, den entspriechenden neie Kaarten a speziellen Offeren fir Cyclisten kann den aktive Summer op zwee Rieder kommen.

Fir vun der Vakanz Doheem ze profitéieren bitt den Tourismusministère säit kuerzem de Service MoveWeCarry un, bei deem Äert Gepäck – an dësem Joer nach gratis – un Är Destinatioun bruecht gëtt. Mam 50 € Iwwernuechtungs-Bong kann de motivéierte Cyclist beispillsweis vum Hebergement mam bed+bike Label profitéieren. Dës Hoteller, Pensiounen, Campingsplazen, Jugendherbergen a privat Ënnerkënft si speziell op d’Bedierfnisser vum Vëlosfuerer ugepasst.

Net vergiessen dierf een déi sechs Strecken, déi fir den normalen Trafic gespaart gi sinn, sou datt d’Cyclisten sécher d’Land entdecke kënnen. Nieft de Leit um Drotiesel dierfe just Awunner an RGTR-Busser un den entspriechenden Deeg am August d’Strooss notzen. Heizou ginn et elo méi Detailer:

  • VëloViaNorden (36 km)
    Depart: Wilwerdang / Ëlwen
    Arrivée: Gare zu Wëlwerwolz
    Fir de motoriséierte Verkéier gespaart um 1. an 2. August, sou wéi de 15. a 16. August 2020


  • Mamer-Keespelt-Koplescht (27 km)
    Depart / Arrivée: Lycée Mamer / Mamer Gare
    Fir de motoriséierte Verkéier gespaart un alle 5 Weekender am August 2020


  • Mamer- an Uelzechtdall (40 km)
    Depart / Arrivée: Pafendall Gare / Parking Glacis
    Fir de motoriséierte Verkéier gespaart un alle 5 Weekender am August 2020


  • Sir- an Uelzechtdall (55 km)
    Depart / Arrivée: Pafendall Gare / Parking Glacis
    Fir de motoriséierte Verkéier gespaart vum 1. bis den 30. August 2020


  • Guttland-Tour a Musel-Tour (85 km)
    Depart / Arrivée: Mondorf Christophorus
    Fir de motoriséierte Verkéier gespaart vum 1. bis den 30. August 2020


  • VéloExpresswee Esch/Belval-Lëtzebuerg (27 km)
    Depart: Belval Gare
    Arrivée: Pafendall Gare / Parking Glacis
    Fir de motoriséierte Verkéier gespaart vum 1. bis den 30. August 2020

Fir datt sech de Lëtzebuerger an/oder Tourist och gutt am Land zu Recht fënnt, goufen a Kooperatioun mat ProVelo detailléiert Kaarte mat de sechs Weeër, de Stroossespärungen, interessanten touristesche Punkten an den Horesca-Offeren entwéckelt, déi ënnert anerem op www.velosummer.lu ze fanne sinn an och un all touristeschen Standpunkte verdeelt ginn.

Fir all Persoun, déi net esou motivéiert ass mam Vëlo duerch Lëtzebuerg ze rullen, erënnert den Tourismusministère un d’Säit 100thingstodo.lu, wou – wéi den Numm et scho seet – 100 Aktivitéiten, touristesch Attraktiounen, inspiréierend Plazen an aner spannend Virschléi proposéiert ginn.

Related topics #VakanzDoheem, 100thingstodo, Attraktiounen, Bed and Bike Label, Cyclisten, Lex Delles, MoveWeCarry, Stroossespärung, Tourismus, Tourismusminister, Vëlosummer 2020
Next post Previous post