Search

You may also like

Den Erdogan erkläert mat senger Invasioun dem Assad de Krich
International Neiegkeeten

Den Erdogan erkläert mat senger Invasioun dem Assad de Krich

Nodeems d‘Kurdemiliz YPG Damaskus ëm Ënnerstëtzung géint den tierkeschen Agresseur

Piraten: d‘Politik muss sech fir de Mënsch asetzen
International Neiegkeeten

Piraten: d‘Politik muss sech fir de Mënsch asetzen

Wann d‘Parteien zur Presentatioun vum parlamentaresche Bilan alueden, da wielen

Munneref deet sech schwéier mam Budget fir 2021
International Neiegkeeten

Munneref deet sech schwéier mam Budget fir 2021

Wéi a ville Gemengen uechtert d‘Land, beschäftegt sech aktuell och

Venezuela: OAS-Generalsekretär wëll militäresch géint de Maduro virgoen

Venezuela: OAS-Generalsekretär wëll militäresch géint de Maduro virgoen

Den OAS-Generalsekretär Luis Almagro huet e Freideg deklaréiert, datt een eng militäresch Interventioun am Venezuela, fir d‘Regierung ze stierzen, net ausschléisse soll. De Luis Almagro mécht de venezuelanesche President, Nicolas Maduro, verantwortlech fir déi humanitär a wirtschaftlech Kris am Land.

„Wat eng militäresch Interventioun, mam Zil de Maduro-Regimm ze stierzen ugeet, esou mengen ech, datt mir keng Optioun ausschléisse sollten“, esou de Luis Almagro bei enger Pressekonferenz an der kolumbianescher Grenzstad Cúcuta.

Den Nicolas Maduro, deen sech net méi wollt vun den USA virféiere loossen, hätt d‘Land an eng Humanitär- Wirtschaftskris gefouert, esou de Virworf. Richteg ass, datt Venezuela säit November 2017, déi finanziell Fuerderunge vu senge Creancieren net méi erfëlle kann. D‘Land ass faktesch faillite, an huet esouwuel vun den USA an der EU Sanktiounen operluecht kritt.

Sanktiounen déi verhaange gi sinn, wëll trotz den Awänn vun den USA an der EU, de Maduro am Mee vun dësem Joer op e neits am Amt bestätegt ginn ass. Wahlen, déi vum venezuelanesche President senge Géigner boykottéiert goufen, wat zu enger Abstentioun vun 52% gefouert huet.

Et ass dann och net nëmmen d‘Vereenegung vun den Amerikanesche Staaten (OAS), déi zur „US-Allianz“ gehéieren, mee och de „Grupp vu Lima“ déi sech der „Linn“ vu Washington ugeholl hunn. D‘USA, wou den Donald Trump schonn am August 2017, eng „militäresch Optioun“ géint de Venezuela ernimmt hat, fir, esou den US-President d‘Leide vun de Mënschen ze beendegen.

mat AFP

Foto: Den OAS-Generalsekretär, Luis Almagro, begréisst venezuelanesch Flüchtlinge bei sengem Besuch am Foyer „Divina Providencia“ zu Cúcuta, enger kolumbianesch Grenzstad. Dës Visite huet am Kader vun enger Staatsvisite stattfonnt. Den Uruguayer ass fir dräi Deeg a Kolumbien, wou sech iwwert déi venezuelanesch Migratiounskris berode gëtt. Laut der UNO, wier et „déi gréisste Migratiounskris vun der westlecher Hemisphär“. Säit der Wirtschaftskris, déi duerch Sanktioune vun den USA an der EU nach emol verstäerkt ginn ass, sollen 2,3 Millioune Venezuelaner hiert Land verlooss hunn. © Schneyder Mendoza/AFP

Related topics Kolumbien, Luis Almagro, Migratiounskris, OAS-Generalsekretär, Venezuela
Next post Previous post