Search

You may also like

Covid19-Risikogebitt: „Alters- a Fleegeheem“
Neiegkeeten

Covid19-Risikogebitt: „Alters- a Fleegeheem“

Nodeems et am Altersheem „Um Lauterbann“ zu Nidderkuer eng „gréisser

surprise
Impeachment… et muss einfach sinn
Neiegkeeten

Impeachment… et muss einfach sinn

An der Geschicht vun den USA huet nach ni zwee

LuxDidac 2019 – Eng léierräich Foire zur Educatioun
Neiegkeeten

LuxDidac 2019 – Eng léierräich Foire zur Educatioun

Um vergaangenen Dënschdeg ass am Forum Geesseknäppchen D’Ausstellung fir innovatiivt

Wäisswampech soll mat Hëllef vu 50 Milliounen Euro zu engem touristesche Magnéit fir d’Grenzgebitt ginn

Gemeng, Wirtschaftsministère an de Grupp Lamy schaffen zesummen

Den Tourismus ass ee vun de Secteuren, déi an Zukunft zu Lëtzebuerg mi staark sollen ënnerstëtzt ginn. De Projet, deen de Freiden vun der Staatssekretärin fir Wirtschaft, Francine Closener (LSAP), presentéiert ginn ass, schreift sech a genee dës Logik an. Bei de Séien solle 50 Milliounen Euro agesat ginn, fir d’Offer auszebauen. D’Zil ass et, méiglechst vill Leit aus der Belsch an Däitschland, mee och aus Lëtzebuerg hei unzelackelen.

Op 20 Hektar soll eng breet ugeluechten touristesch Offer etabléiert ginn. Doranner abegraff sinn 100 Cottages, en Hotel mat 91 Zëmmer, deem seng ökologesch Bauweis virun allem de Besoin un Energie soll reduzéieren. Donieft solle Fräizäit Offeren am Spill a Sportberäich geschaf ginn, déi sech op d’Waasser konzentréieren. Si sollen och fir d’Ëffentlechkeet zougänglech sinn.

Et handelt sech hei ëm d’Zesummenaarbecht vun e puer ënnerschiddlechen Acteuren

“Dësen ökologesche Projet am Tourismus- a Fräizäitberäich integréiert sech perfekt an d’natierlech Ëmgéigend um Bord vun den zwee Séien”, esou d’Francine Closener. De Wirtschaftsministère an d’Gemeng Wäisswampech schaffe bei dësem Projet mam Grupp LAMY zesummen. Dëse Grupp geréiert schonn zënter 40 Joer ënnerschiddlech touristesch Offeren. Och den Architektur an Urbanismus-Büro Philippe Valentiny schafft dorunner mat an ass domat den éischten Investisseur dëser Aart zu Lëtzebuerg.

De Jordan Lamy, administrateur délégué vum Grupp LAMY, gesäit de Projet ganz positiv. “De Site ronderëm d’Séie vu Wäisswampech stellt dank der Qualitéit vun der Ëmwelt a senger Lag no un der belscher an däitscher Grenz e grousst Potenzial fir den noen Tourismus duer”, erkläert hien. De Projet mam Numm Suneo Park Luxembourg reit sech an d’strategesch Visioun vum Tourismussecteur an. Den aktuelle Investitiounsplang leeft bis op d’Joer 2022.

Mam Service Information et Presse

Fotoen: Groupe Lamy / SIP

Related topics Francine Closener, Lëtzebuerg, Tourismus, Wäisswampech
Next post Previous post