Search

You may also like

En neien Tapis fir d’Autobunn A13 (11.-14.09.2020)
Meenung Neiegkeeten

En neien Tapis fir d’Autobunn A13 (11.-14.09.2020)

D’Stroossebauverwaltung deelt mat, datt op der Autobunn A13 tëscht der

Zum Wuel vum Déier: D’Veterinärsverwaltung erënnert un de Schutz
Meenung Neiegkeeten

Zum Wuel vum Déier: D’Veterinärsverwaltung erënnert un de Schutz

Nodeems eréischt viru kuerzem ee Besëtzer vu Reptilien veruerteelt ginn

Zesumme géint Kanneraarbecht: Séiss ënnerwee mat Fairtrade!
Meenung Neiegkeeten

Zesumme géint Kanneraarbecht: Séiss ënnerwee mat Fairtrade!

Sponsored Story – Och Schockela huet eng batter Säit: D’Kanneraarbecht

Editorial: Wann ee geléifte Mënsch goe muss

Editorial: Wann ee geléifte Mënsch goe muss

Den Doud gehéiert zum Liewen dozou. An awer ass et schwéier Wierder ze fannen, wann ee weess, datt eng geléifte Persoun stierwe wäert. Et stécht e voller Péng a bemol spruddelen d’Wierder einfach aus engem eraus – ob e wëll oder net. Mee leider gëtt et näischt, wat dat Lach an deem ee sëtzt, erëm fëllt.

Deng Léifsten si wéi Blummen, déi däi Liewe faarweg maachen, wéi Reen an enger dréchener Wüst , wéi Wolleken déi dir Schiet ginn, wann d’Sonn ze staark schéngt. Dacks vergëss de awer, datt näischt vun Dauer ass – kee Gaart blitt éiweg. E kale Wanter wäert kommen, dann ass et Zäit Äddi ze soen.

An där Sekonn, an där mir gebuer ginn, si mir eigentlech schonn zum Doud veruerteelt. Doduerch, datt mir net wëssen, wéini en bei eis komme wäert, fänkt eng grouss Veronsécherung un. Wann eng Krankheet an d’Spill kënnt, ass all Minutt e wäertvolle Kaddo. Déi lescht Wierder, dat lescht Laachen, déi een zesummen deele wäert. An dann ni méi.

Esou gehéiert all gedeelten Erfarung zum Wee “Äddi” ze soen. An dat geet net ouni traureg ze sinn, et ass eng kierperlech a séilesch Péng. Jo, et ass schwéier ze akzeptéieren, datt de Mënsch keng Kontroll iwwert säi Schicksal huet, an een Deel vun dir wäert mat dësem Mënsch goen.

Et ass eng Rees, déi dech iwwerall an néierens hibrénge kann. En Trouscht ass, datt d’Léift déi ee fireneen empfënnt iwwerliewe wäert.

An iergendwann, wann déi éischt grouss Péng vergaangen ass, gees du zeréck an däi Gaart. A mat Iwwerraschung stells de fest, datt d’Blumme villäicht fort sinn, mee den Doft gebliwwen ass. De Wand leet sech tréischtend ëm deng Schëlleren, e fillt sech wéi eng Ëmäerblung un.

Opmaacherbild: © Mads Schmidt Rasmussen / unsplash

Related topics Äddi soen, Blummen, Dout, Editorial, Erënnerungen, Gaart, Gebuert, Keelt, Léift, Ofschid, Trauer, Trouscht, Wanter
Next post Previous post