Search

You may also like

Poetry Slam am Ancien Cinéma: Op ee Wuert!
Neiegkeeten

Poetry Slam am Ancien Cinéma: Op ee Wuert!

Dëse Samschdeg, den 8. Februar ginn d’Slammer an hiren nächste

Berlin liicht – Déi 15. Editioun vum Festival of Lights
Neiegkeeten

Berlin liicht – Déi 15. Editioun vum Festival of Lights

Lights of Freedom – Ënnert dësem beréierenden an zugläich eeschten

Porte Ouverte bei de Lëtzebuerger Naturisten um 1. an 2. Juni 2019!
Neiegkeeten

Porte Ouverte bei de Lëtzebuerger Naturisten um 1. an 2. Juni 2019!

Um éischte Weekend vum Juni organiséieren d’Lëtzebuerger Naturisten hir Porte

#weloveflowers: E léiwe Geste, a Solidaritéit mat Gäertner a Floristen

#weloveflowers: E léiwe Geste, a Solidaritéit mat Gäertner a Floristen

Och Dir sidd dëst Joer een Deel vun der Léisung: Weist Solidaritéit mat de Floriste fir Vältesdag 2021 & fëllt d’Distanz zu Ären Allerléifsten mat engem schéine Bouquet Blummen – Si soen nämlech méi wéi 1.000 Wierder. Eigentlech kënnen se gären méi dacks verschenkt ginn – aus Léift, Traditioun oder einfach emol esou. Zemools an dëser Zäit freet sech Äre Partner bestëmmt iwwert e léiwe Geste.

Dofir vergiesst net Äre Bouquet (am beschte viru Vältesdag ze bestellen), zum Beispill iwwer CALL&COLLECT oder och direkt am Buttek. Do gitt Dir nämlech am beschte beroden. Mat dësem léiwe Geste ënnersträicht Dir net nëmmen Är Léift, et ass och en Zeeche vu Solidaritéit.

Ënnert dem Slogan #weloveflowers a #SupportYourLocalFlorist kënnt Dir mat enger Foto oder Story vun Ärem blummege Kaddo op Ärem Profil an de soziale Medie mam Link op Äre Floriste opmierksam maachen. Wat flott dorunner ass? Dir gitt dem Floriste d’Gefill e wär net eleng. Dir weist Versteesdemech, an dat ass scho vill Wäert.

#weloveflowers© Nicole Herrero / Unsplash

An dësem Kader huet d’Fédération Horticole Luxembourgeoise (FHL) an d’Jonggäertner Lëtzebuerg e politesche Message verëffentlecht. Aktuell ginn eis Landschaftsgäertner nawell zimlech ënner. Dobäi suerge si fir gréng Infrastruktur a méi Biodiversitéit mat der Gestaltung vu Gäert an ëffentlechem Gegréngs. Et gi Blummen, Hecken a Beem geplanzt.

Ma, et dréit een zousätzlech zur Versuergung vun eiser Gesellschaft mat gesonden, lokale Liewensmëttel, Beem, Planzen a Kraider bäi. Dofir ass och d’Waasser an deem Secteur essentiell a soumat och en Deel vun der Léisung. Duerch d’Waasser gëtt den nationale Selbstversuergungsgrad mat lokale gäertneresche Produkter erhéicht. A wéi mir all wëssen, dréit dat ee Stéck zum Klimawandel bäi.

Waasser ass an deem Secteur essentiell a soumat och een Deel vun der Léisung fir den nationale Selbstversuergungsgrad mat lokale gäertneresche Produkter ze erhéijen & domadder och een Stéck zum Klimawandel bei ze droen. Politesch laangfristeg an e konkrete Support gëtt gefuerdert – well ouni Waasser si keng gäertneresch Kulturen zu Lëtzebuerg méiglech.

Elo am Februar war den 2. Waasserdësch. Dat war ee richtegen a wichtege Schratt an déi richteg Richtung. Innovativ Projeten fir eng responsabel & effizient Notzung vu Waasserressourcen am gäertneresch & landwirtschaftleche Secteur krute gréng Luucht. FHL-Fachbetriiber sinn all Deel vun der Léisung, sief dat am Kader vum Klima-Changement, den nationale gäertneresche Kulturen sou wéi an der Verbesserung am urbane Raum duerch gréng Infrastrukturen.

De Motto vun der EU-Strategie ass „Think Green FIRST!“ Loosse mir eis Gäertner a Floristen also net am Reen stoen: Gitt #weloveflowers-Ambassadeur 2021 a beweist domat Är Solidaritéit an Interessi.

Opmaacherbild: © Edward Howell / Unsplash

Related topics #weloveflowers, Ënnerstëtzung, Fédération Horticole Luxembourgeoise, Floristen, Interessi, Jonggäertner, Solidaritéit, Vältesdag
Next post Previous post