Search

You may also like

Eng Lëtzebuerger Traditioun: T’ass Bretzelsonndeg!
International Neiegkeeten

Eng Lëtzebuerger Traditioun: T’ass Bretzelsonndeg!

Ob mat Schockela oder Praliné gefëllt, iwwerzu mat Zockergoss a

Cannabis: Franséisch Assemblée stëmmt d‘Schafung vun enger „Forfait-Amende“
International Neiegkeeten

Cannabis: Franséisch Assemblée stëmmt d‘Schafung vun enger „Forfait-Amende“

E Freideg an der Nuecht, huet déi franséisch national Assemblée

#checkyourfacts: D‘Jugend viru falschen Noriichte schützen
International Neiegkeeten

#checkyourfacts: D‘Jugend viru falschen Noriichte schützen

De leschte Mëttwoch huet den SNJ, vertrueden duerch de Chef

Weltdag vum Héieren – Wëll ee gutt Gehéier och Fräiheet bedeit

Weltdag vum Héieren – Wëll ee gutt Gehéier och Fräiheet bedeit

All Joer gëtt um 3. Mäerz 2021 de Weltdag vum Héieren zelebréiert. Ee gutt Gehéier zu hunn, kann d’Welt bedeiten- gutt Héiere heescht Liewensqualitéit. Mënsche mat Gehéierproblemer kënnen dovunner e Lidd doriwwer sangen.

Ëmsou méi wichteg ass et säi Gehéier reegelméisseg testen ze loossen, wouduerch eventuell Problemer séier erkannt an effikass behandelt kënne ginn. Den Aktiounsdag gouf am Joer 2007 op der éischter internationaler Konferenz zur Preventioun a Rehabilitatioun vu Gehéierproblemer zu Peking an d’Liewe geruff. An dësem Joer steet dat Ganzt ënnert dem Thema „Gesondheet vum Gehéier fir Jiddwereen!

Nom kierzlech verëffentlecht Rapport vun der Weltgesondheetsorganisatioun (WHO) – dem „WHO World Report on Hearing“ – liewe gutt 1,5 Milliarde Mënsche weltwäit mat engem beanträchtegte Gehéier. Bei ganzer 980 Milliarden US-Dollar leien déi jäerlech Käschte vun onbehandelte Gehéierproblemer. A bis zum Joer 2050 sollen 2,5 Milliarde Mënsche mam Verloscht vum Gehéier liewen …

E gutt Gehéier dréit net nëmmen zum eegene Wuelergoen bäi, mee suergt beispillsweis och fir eng erhéicht Sécherheet am Stroosseverkéier. Souguer Demenzerkrankunge kënnen duerch eng fréizäiteg Behandlung evitéiert ginn – onbehandelt schlecht Ouere sinn nämlech e grousse Risikofacteur.

Gëtt d’Gehéier net uerdentlech trainéiert a stimuléiert, verkëmmert den Nerv mat der Zäit. Doduerch gëtt de Mënsch am schlëmmste Fall daf. An dat wëll bestëmmt keen. Dobäi ass et en onbeschreiflecht Gefill, wann een no laanger Zäit erëm Pabeiergeraschels, d’Kaffismaschinn, Villercher oder eng Tirett héiert. An d’Texter an engem Lidd versteet.

Weltdag vum Héieren
Ear and hearing care -WHO

Gutt héiere ka fir Villes d’Léisung sinn

Et ass fir jidderee méi einfach – an der Famill ginn nees méi Gespréicher gefouert a verstanen.

Ma, och dobausse ginn déi sozial Kontakter nees wakereg gekëddelt, kënneg Leit iwwerdenken hier Meenung iwwert een. Dacks kommen héiergeschiedegt Mënschen nämlech onhéiflech eriwwer, well si net op Froen äntweren oder e Bonjour zréckginn. Gutt Ouere bedeiten also och eng gewëss Fräiheet.

Hei zu Lëtzebuerg ass d’Daaflux Asbl fir Mënschen déi schwéier oder guer net méi héieren zoustänneg. Si gouf am Joer 2003 gegrënnt. Nieft engem reegen Informatiounsaustausch, setzt d’Associatioun sech fir den Interessi vu Gehéiergeschiedegte Mënschen an a fërdert de Versteesdemech tëscht Gehéierbehënnerten an deenen, déi keng Problemer mat den Oueren hunn. Et muss een uerdentlecht Gläichgewiicht fonnt ginn.

Och hei bleift et leider net aus, d’Corona-Pandemie ze erwänen. Duerch d’Maskenflicht ass et nämlech esou, datt vill Leit mat schlechten Oueren dacks Verständnisproblemer dobaussen hunn. Duerch d’Mask ass et net méi méiglech vun de Lëpsen ofzeliesen. Duerchsichteg Masken sinn eng flott Iddi, mee déi lafen mat der Zäit un. Dat ass net evident.

E gudden Tipp ass et, op d’Gehéierproblemer opmierksam ze maachen – da steet een net blöd do. Déi meescht zéien d’Mask erof, fir datt een op d’Lëpse kucke kann.

An et ass ganz praktesch ëmmer Bic a Blat dobäi ze hunn.

Bleift nach ze soen, datt d’Gebäerdesprooch faszinéierend ass, vill Leit weisen Interessi un der Zeechesprooch. Dofir ass am Lëtzebuerger Online Dictionnaire (LOD) och dës Sprooch ze fannen – a Form vu klenge Videoe gëtt gewise wéi d’Wierder „geschwat“ ginn. Dat ass luewenswäert.

Opmaacherbild: © Mark Paton / Unsplash

Related topics Daaflux, Gehéierproblemer, Liewensqualitéit, LOD, Pandemie, Sécherheet, Weltdag vum Héieren, Weltgesondheetsorganisatioun, WHO World Report on Hearing, Wuelergoen
Next post Previous post