Search

You may also like

Restart Tourism: Esou soll Lëtzebuerg touristesch opbléien
International Neiegkeeten

Restart Tourism: Esou soll Lëtzebuerg touristesch opbléien

Scho virun der sanitärer Kris huet Lëtzebuerg ee grousst touristescht

Mäin éischt Null Offallbuch – De „Litti“ léiert op d’Ëmwelt opzepassen
International Neiegkeeten

Mäin éischt Null Offallbuch – De „Litti“ léiert op d’Ëmwelt opzepassen

D’Ëmweltberodung Lëtzebuerg ASBL, zesumme mam Ministère fir Ëmwelt, Klima an

Italien huet nees eng Regierung
International Neiegkeeten

Italien huet nees eng Regierung

Gëschter am Nomëtteg war et endlech esouwäit. Nodeems de Chef

WikiLeaks-Informantin Chelsea Manning a Beugehaft

Geriicht zu Alexandria wëll Ausso géint Julian Assange erzwéngen

WikiLeaks-Informantin Chelsea Manning a Beugehaft

D‘Chelsea E. Manning hat als Bradley Edward Manning fir d‘US-Arméi als IT-Spezialist geschafft an ass eng Amerikanesch „Whistleblowerin“. Si gouf verdächtegt a veruerteelt, Dokumenter a soss Informatiounen un d‘Internetplattform „WikiLeaks“ weidergereecht ze hunn. Dofir sollt si 35 Joer an de Prisong. De Barack Obama hat am Januar 2017, d‘Whistleblowerin begnodegt…

Elo ass d‘Chelsea Manning op e neits festgeholl ginn. Si huet sech geweigert viru Geriicht, op Froen zur Internetplattform, déi vum Julian Assange soll bedriwwe gi sinn, ze äntweren. Si hat viru Geriicht erkläert, datt si laut Verfassung d‘Recht huet ze schweigen, an aus Solidaritéit mat villen Aktivisten, och decidéiert wier zu hire Prinzipien ze stoen. Dat huet dem Riichter net gefall…

 

An de Riichter Claude M. Hilton, vum Geriicht zu Alexandria, schéngt net appreciéiert ze hunn, datt sech eng Persoun virun hie stellt, an op seng Rechter net nëmmen hiweist, mee sech och drop behaapt. Hien huet de längeren Aarm, an d‘Chelsea Manning sollt dësen ze spiere kréien. Hien huet Haft ugeuerdent fir eng Ausso ze erzwéngen, an déi géif esoulaang dauere bis si op all Fro äntwert.

Hiren Affekot hat wuel nach versicht déi ugeuerdent Haft an Hausarrest ze verwandelen, mee de Refus virun enger „Grand Jury“ auszesoen, ass an den USA kee Spaass. Vu WikiLeaks dozou e kuerze Statement via Twitter: „Whistleblower ginn elo gezwonge géint Journalisten auszesoen an ginn an de Prisong gestach, wann se net kooperéieren. Dat ass en Ugrëff op d‘Pressefräiheet“.

Manning

mat indymedia/was

Foto: © wsws

Related topics Chelsea Manning, Claude Hilton, Julian Assange, WikiLeaks
Next post Previous post