D’Woch vun der virtueller Realitéit zu Thionville

Scho säit geraumer Zäit gëtt d’virtuell Realitéit an 360° Biller a Videoen ëmmer méi zougänglech fir d’Ëffentlechkeet. Esou begleet eis dës Technik schonn deelweis duerch den Alldag. Ee Grond méi fir eis Noperen aus Thionville vum 16. bis den 20. Abrëll eng speziell Woch ze organiséieren, bei der een déi verschidde Forme vum VR kennen- a spiere léiere kann. Donieft kritt een och d’Méiglechkeet den Artisten, Produzenten a Realisateuren seng Froen ze stellen.

Als neit Medium bréngt een déi virtuell Realitéit oft a Verbindung mat Videospiller. Donieft ginn et awer nach vill weider Méiglechkeeten, bei deenen dës eenzegaarteg Technologie zum Asaz kënnt. Souwuel als Quell vun der Innovatioun fir Entreprisen, wéi och kreatiivt Mëttel fir Artisten oder Entdeckungsrees fir de Publique erweist sech dëst Medium als formidabel!

De Programm vun nächster Woch

• VOLUME vum Mathieu Chamagne
  Ausstellung > Dënschdes bis Samschdes vun 12:00 bis 18:00 Auer am Schwaarze Sall
  Bei enger immersiver Erfarung entdeckt ee souwuel vum Gesinn, wéi och vum Klang hir déi interaktiv virtuell Welt. Déi nei artistesch Installatioun wërft d’Fro vum Kierper am digitale Beräich op a spillt mat verschiddene klangleche Modelléierungen.

• UN BAR AUX FOLIES BERGÈRES vum Gabrielle Lissot & Igal Kohen
  Ausstellung > Dënschdes bis Samschdes vun 12:00 bis 18:00 Auer am Schwaarze Sall
  Zesumme mat de Folies Bergères vum Manet erlieft een, een 360° Erliefnis. D’Konschtwierk ass dobäi um VR Festival zu Arles ausgewielt ginn a setzt sech aus 4 Akten zesummen, déi eis duerch de kreative Kapp vum Kënschtler, sengem Modell Suzon, sengem Client an engem Visiteur an der Galerie Courtauld wandere loossen.

• SIT DOWN vum Florian Hurtaut
  Ausstellung > Dënschdes bis Samschdes vun 12:00 bis 18:00 Auer am Schwaarze Sall
  Mat Hëllef vun der virtueller Realitéit an enger spezieller Simulatiounfotell léiert een d’Welt vun enger motoresch handicapéierter Persoun kennen.

• RÉALITÉ VIRTUELLE?
  Table Ronde > 18. Abrëll um 10:00 Auer am Forum
  Wat sinn d’Aflëss vun dëser neier Technologie op de Prozess vun der artistescher Kreatioun? Wéi gesäit d’Zukunft vum VR aus a wat ass seng Roll? Dës a vill weider Froe probéieren de Mathieu Chamagne, Museker an Artist; d’Charlotte Ducos vum Kollektiv SEPPIA a Realisatrice vun 360° Filmer; d’Gabrielle Lissot, Artiste a Realisatrice vun „Un bar aux Folies Bergères“ an den Theo Arbogast, Moderator a Responsabele vum Programm ze beäntweren.

Weider Informatiounen
Vum 16. bis den 20. Abrëll kann een déi virtuell Realitéit entdecken an un den interaktiven Statiounen deelhuelen. Organiséiert gëtt dës technologesch Woch am Puzzle zu Thionville (1, Place Malraux). Den detailléierte Programm fannt Dir op der offizieler Internetsäit an HEI.