Search

You may also like

Fashion & Design Akademie – eng Schoul fir all Mënsch mat Moudaffinitéit
Neiegkeeten

Fashion & Design Akademie – eng Schoul fir all Mënsch mat Moudaffinitéit

De 15. Oktober begréisst déi éischt an eenzeg Fashion &

Eist häerzlechst Bäileed
Neiegkeeten

Eist häerzlechst Bäileed

Den Doud vum Jean-Paul Belmondo huet d’Welt e bëssen aus

Der Ëmwelt wegen: Mam Vëlo vu Miersch an d‘Stad
Neiegkeeten

Der Ëmwelt wegen: Mam Vëlo vu Miersch an d‘Stad

Am Kader vun der Promotioun vun der doucer Mobilitéit, och

What the Fakt – Den Dag vun der Liewenszäit

What the Fakt – Den Dag vun der Liewenszäit

Um Kalenner vun de kuriose Feierdeeg fënnt een haut den amerikaneschen Huel-dir-deng-Zäit-zeréck-Dag (engl.: Take Back Your Time Day). Et ass een Dag ganz am Zeeche vun eiser Liewenszäit.

Et ass scho bal kloer, datt an der westlecher Gesellschaft deelweis ze vill geschafft gëtt. Mat dësem speziellen Dag soll genau op dëse Problem opmierksam gemaach ginn. Experten a Soziologe weisen hei op déi gewëssen Zäitaarmut hin. Dës Tatsaach bréngt leider eng Rei negativer Auswierkunge mat sech, sou wéi beispillsweis Stress, den sech mat der Zäit d’Gesondheet ugräift.

De Feierdag gouf gegrënnt vum US-amerikanesche Simplicity Forum. De Grupp ass 2001 an d’Liewe geruff ginn, besteet aus Akademiker, Auteuren, Educateuren, Kënschtler, an Aktivisten déi sech drëm beméien einfach an nohalteg Strategien zum Alldags- a Schaffliewen ze entwéckelen.

Och den Datum ass net zoufälleg gewielt. Enger Etüd no schafft all US-Amerikaner genau 9 Wochen d’Joer ze vill. De 24. Oktober, den genau 9 Woche virum neie Joer ass, gëllt also symbolesch fir dëse Fakt.

Stress ass eng Funktioun vum Kierper, déi eisen Organismus zu Héchstleeschtunge brénge soll. Bei Geforen oder Angscht steigt de Bluttzockerspiggel, et gëtt Cortisol an Adrenalin ausgestouss an d’Häerz- an Otemfrequenz steigt un. Esou Liewensgeféierlech Situatioune ginn et hautdesdaags awer net méi all ze oft, de Stress gëtt éischter a leider och ze oft vun eisem soziale Liewen an der Aarbecht ausgeléist.

Duerch den héijen Bluttdrock klëmmt de Risiko een Häerzinfarkt oder ee Schlag ze kréien, mee och Diabetis kann esou provozéiert ginn. Mat dem schnelle Bols riskéiert een Häerz-Kreeslaf-Erkrankungen an duerch. Mam Dauerstress kënnen dann och geféierlech Moschwieren entstoen.

A ganz éierlech, ass de Stress et wäert? Zäit mat der Famill a fir sech selwer ass am Endeffekt dach vill méi wichteg, wéi een decke Konto. Mam ganze Stress kann een d’Sue souwisou net ausgesinn 😉 Zu ärer Entspanung kéint vielläicht dat hei hëllefen:

Quellen:

Related topics Aarbechtszäit, Burn-Out, Fräizäit, Stress, What the Fakt
Next post Previous post