Search

You may also like

Déi grouss Fräiheet dank EU-Zertifikat (Analys)
Neiegkeeten

Déi grouss Fräiheet dank EU-Zertifikat (Analys)

An der Europäescher Unioun mécht sech villeruerts nees eppes Zouversiicht

D’EU ergräift Sanktioune géint de Venezuela
Neiegkeeten

D’EU ergräift Sanktioune géint de Venezuela

Bréissel huet um Méindeg d’Entscheedung getraff nei Sanktioune géint de

Huet jiddereen e Recht op en Hausdéier? Dës Petitioun fuerdert et an!
Neiegkeeten

Huet jiddereen e Recht op en Hausdéier? Dës Petitioun fuerdert et an!

Mat senger Petitioun vum 22. Dezember, fuerdert de Leonardo da

What the Fakt – Doudesdag vum Pop-Art Kënschtler Roy Lichtenstein

What the Fakt – Doudesdag vum Pop-Art Kënschtler Roy Lichtenstein

Ee vun de wichtegste Vertrieder vun der Pop-Art Bewegung, de Roy Lichtenstein, ass haut virun 21 Joer gestuerwe. Nieft dem Andy Warhol an dem Claes Oldenburg huet och de Lichtenberg sech mat sengem Stil an den Alldag vum American Way of Life agemëscht an eng onperséinlech Konscht, déi d’Grenzen tëschent Konschtwierker an Alldag verschwanne léist, geschaaft.

De Roy Lichtenstein gouf 1923 zu Manhatten gebuer a studéiert spéiderhi Konscht op verschiddenen Universitéiten an Amerika. 1960 fënnt de Kënschtler zou senger eegener an onverwiesselbarer Molweis, bei der hie Comictrips a grelle Faarwen an groussformatege Zeenen imitéiert.

Inhaltlech an technesch brécht hien den Traditioune vun der Molerei. Deck schwaarz Linnen, knalleg Faarwen an gepunkt Fläche (Rasterpunkten) gi säi Markenzeechen. Nodeems de Galerist Leo Castelli op hien opmierksam gëtt, fänkt dem Lichtenstein seng grouss Karriär un an hie ka vu senger Konscht liewen.

Den Alldag bitt him vill Material, wat hien a senger Konscht ka verschaffen. Sou handelen seng Konschtwierker beispillsweis iwwert d’Gedankegäng vu Fraleit, Accidenter oder ganz banale Saache wéi Iessen oder Wunnengsgéigestänn. No enger Zäit bedéngt de Lichtenstein sech och un Biller vum Cézanne oder anere grousse Kënschtler als Virlag fir seng Wierker. An enger spéiderer Phase ginn d’Biller erëm méi abstrakt.

1997 stierft de Roy Lichtenstein un enger Longenentzündung zu New York. Seng Konschtwierker kann een beispillsweis am Museum Ludwig zu Köln bewonneren.

Quellen:

Related topics Andy Warhol, Konscht, Pop Art, Roy Lichtenstein
Next post Previous post