Nodeems de Premier- a Staatsminister Xavier Bettel Enn Oktober 2021 mat Plagiatsvirwërf zu sengem DEA (diplôme d’études approfondies) konfrontéiert gouf, huet d’Universitéit Loutrengen seng Iwwerpréiwung ofgeschloss an d’Aarbecht net direkt als Plagiat duergestallt. Trotzdeem wëll de Xavier Bettel säin Diplome zeréckzéie loossen.
Seng Erklärung:
„D’Universitéit Loutrengen huet mech den 31.01.2022 iwwert hir offiziell Decisioun am Bezuch op d’Aarbecht informéiert, déi ech 1998 am Kader vu mengem DEA (diplôme d’études approfondies) verfaasst hunn.
D’Universitéit stellt dës Aarbecht ausdrécklech an de Kontext vun der akzeptéierter Zitéierweis an der Schreifuweisung ënnerhalb vum DEA, wéi se viru méi wéi 20 Joer praktizéiert goufen.
D’Universitéit bestätegt och, datt et sech bei der virleiender Aarbecht net ëm eng Thees, mee ëm eng Synthees, d.h. eng Zesummestellung vun Dokumenter, handelt, wéi se deemools fir een DEA üblech an akzeptéiert war.
Et ass mir wichteg, net emol ze betounen, datt et deemools net meng Absicht war, een ze täuschen. Och d’Universitéit erkennt un, datt et sech ëm eng „Originalaarbecht“ handelt. Ech hu meng Quellen an der Bibliographie opgefouert. Gläichzäiteg hunn ech awer eenzel Passagen net mat separaten Textverweisen gekennzeechent, sou datt si als „eng Aart Plagiat“ gewäert kënne ginn.
D’Universitéit huet entscheet, datt ech mäin DEA behale kann, nodeems ech déi feelend Textverweiser nogeliwwert hunn.
No grëndlecher Iwwerleeung hunn ech awer d’Decisioun getraff, d’Universitéit ze bieden, mäin DEA zeréckzezéien. Domat sollen Zweiwel un d’Verdéngschter vum DEA aus der Welt geraumt an e Vertrauensverloscht un déi akademesch Aarbecht vermeit ginn.
Ech bedaueren dës Situatioun a bieden d’Universitéit, meng Entschëllegung a meng Decisioun ze akzeptéieren.“
Annexe:
