Search

You may also like

240.000 Stëmme fir europäesch Gewässer
International Neiegkeeten

240.000 Stëmme fir europäesch Gewässer

Momentan organiséiert d’EU-Kommissioun eng Biergerbefroung am Kader vun de Waasserrichtlinnen.

Den UN-Sécherheetsrot an den Ëmgang mat de Mënscherechter (e Kommentar)
International Neiegkeeten

Den UN-Sécherheetsrot an den Ëmgang mat de Mënscherechter (e Kommentar)

Et gëtt Momenter am Liewen, wou ee sech freet, wéi

partage.lu: Matmaachen – Zukunft schafen!
International Neiegkeeten

partage.lu: Matmaachen – Zukunft schafen!

2019 luet partage.lu Iech an, aktiv d’Zukunft matzegestalten andeem Dir

Yad Vashem: Lëtzebuerg beim Welt-Holocaust-Forum zu Jerusalem

Yad Vashem: Lëtzebuerg beim Welt-Holocaust-Forum zu Jerusalem

Op Aluedung vum israelesche President Reuven Rivlin huet S.A.R. de Groussherzog un der Commemoratiounszeremonie zum 75. Joresdag vun der Befreiung vum Vernichtungslager Auschwitz-Birkenau deelgeholl. Treffpunkt war gëschter bei der Gedenkstätte Yad Vashem zu Jerusalem.

Am Kader vun dëser Gedenkfeier ass um Mëttwoch Owend een offiziellt Iesse fir eng 40 Staats- a Regierungscheffen organiséiert ginn. Ënnert dem Thema Erënneren un den Holocaust, kämpfe géint Antisemitismus huet dunn gëschter déi offiziell Zeremonie ugefaangen. Heibäi hu fënnef israelesch an/oder jüddesch Honoratioren, wéi och weider fënnef Delegatiounscheffen eng Ried gehalen.

Mam Néierleeë vu Blummekränz beim Warschauer Ghetto-Denkmal hunn d’Invitéeën d’Affer vum Holocaust gewierdegt. Ofgeschloss gouf d’Zeremonie duerch eng Schweigeminutt an der israelescher Nationalhymn Hatikvah.

Yad Vashem

© EPA-EFE / Abir Sultan

D’Gedenkstätt Yad Vashem gouf 1953 zu Jerusalem als Erënnerung un déi jüddesch Affer vun der Shoah an der Nazi-Verfolgung wärend dem Zweete Weltkrich opgebaut. Mat gréisste Beméiunge schafft een drun Wëssen ze verbreeden an mat der Vergaangenheet ze sensibiliséieren. Och 75 Joer nom Enn vum Zweete Weltkrich ass Antisemitismus, Haass an Diskriminatioun een aktuellt Thema. Dobäi gesäit Yad Vashem och vir an der Welt vun Haut géint Rassismus unzekämpfen.

Opmaacherfoto: © GPO / Kobi Gideon

Related topics Antisemitismus, Auschwitz-Birkenau, Befreiung, Commemoratioun, Hatikvah, Holocaust, Juddenhaass, Rassismus, S.A.R. de Groussherzog Henri, Shoah, Vergaangenheet, Vernichtungslager, Yad Vashem
Next post Previous post