Search

You may also like

Covid-19: E Réckbléck op d’Woch vum 15. bis den 21. Februar 2021
Neiegkeeten

Covid-19: E Réckbléck op d’Woch vum 15. bis den 21. Februar 2021

Aus dem Bilan vun der Santé geet ervir, datt sech

Bausecteur: d‘Patronat verweigert sech engem Kollektivvertrag
Neiegkeeten

Bausecteur: d‘Patronat verweigert sech engem Kollektivvertrag

Leschte Mëttwoch ass et an de Raimlechkeete vum nationale Conciliatiounsbüro

Oppene Bréif un de Staatsminister Här Xavier Bettel
Neiegkeeten

Oppene Bréif un de Staatsminister Här Xavier Bettel

An dësem zweete Schreiwes, well d’Sozialliberal Partei Lëtzebuerg (SLPL) Iech

„Connecting Lives“ – Zwou Wochen nohalteg (er)liewen

Eecherfeld, den 18. September: Wei kenne mir an enger paralyséierter Gesellschaft mat stengegem Wuesstem an Konkurrenzdenken een „Eis“ schafen? Wéi kenne mir an engem bestëmmte „Sënn“ produzéieren an consomméieren?

Déi zwou Woche vun der Nohalteger Educatioun, ugebuede vun engen 30 Acteuren aus der Zivilgesellschaft, siche fir nei Weeër zu dësem Thema auszeschaffen. Hire But ass et eis Gesellschaft zu méi Responsabilitéit ze féieren sou datt och driwwer nogeduecht gëtt een dauerhaften an gerechte Liewensstil fir sech selwer ze fannen.

Eng Ännerung un eiser Gesellschaft ass keng Optioun, mee eng Noutwendegkeet!

Bei der Pressekonferenz an de Gäert vun Terra un dësem Dënschden hunn d‘Acteure vun „Connecting Lives“ een Abléck an ronn zwou Dosen Aktivitéiten, ënnerdeelt an 3 Statiounen, presentéiert.

Aktivitéiten em responsabel Gastronomie

  • Alternativ Marche gourmande , den 23. September
  • Staminet/Brunch vun de Weltverännerer, den 30. September
  • Restaurant «Le Monde des gourmets», den 29. September
  • Ofschlossfest, den 7.Oktober
  • Kuerz d’Welt retten, den 28.September, 1. an 4. Oktober
  • Nohalteg Energie – Vëlostour, den 30.September,
  • Mëtteg-Diskussioun: Nohalteg Iessensmethoden, den 3.Oktober
  • En Iesse wéi keen anert, den 4.Oktober
  • Weltkichen, den 5.Oktober

Aktivitéite fir Kanner a Jugendlecher

  • Juegd op den Tresor vun de Kannerrechter, den 21. September an 2. Oktober
  • op Sich no de Kannerrechter duerch Géocaching, den 27. September an 4.Oktober
  • Een « nohaltege » Rallye, den 27. September
  • „Youth4planet Story Power and inspire change with ideas“, den 24.September an 6. Oktober
  • Kollektiven an interaktiven Theater „à table“, den 28. September
  • eise Planéit a mir – wat ënnerhuele ?, den 6. Oktober
  • Tipps fir een nohaltegt Liewen, den 6. Oktober

Aktivitéite mat Toun a Biller

  • Ausstellung „Endlich Wachstum“, vum 24.September bis – 5. Oktober
  • After-work Kino am Süden, den 24.September
  • Film „Bioenergy the ugly truth“, den 26. September
  • Projektioun – Debatte „The true cost“, den 27.September
  • „How many slaves work for you – the consumer and supply chain“, den 1. an 2. Oktober
  • „Wien well eng Visioun gewannen?“, den 3. Oktober

Des Villfältegkeet un Aktivitéite bitt also fir jiddwereen eppes un, an se fannen duerch ganzt Land statt, wei beispillsweis zu Stengefort, Housen, Esch-Sauer, Huelmes, Esch/Uelzecht oder an der Staat Lëtzebuerg. Fir Kleng a Grouss sinn Aktivitéiten derbäi déi Alternative bidden, fir eng méi gerecht an nohalteg Welt ze gestalten.

Méi Informatiounen, sou wéi de ganze Programm fannt Dir ënnert: connectinglives.cercle.lu

Foto & Galerie: © Cercle de Coopération Asbl

Related topics Cercle de Coopération Asbl, Connecting Lives, Konkurrenzdenken, Wuesstem, Zivilgesellschaft
Next post Previous post